^

Banat Opinyon

Katumanan sa saad

BALITAHOM - Atty. Jose Marie N. Poblete - Banat

Aduna nay mapalit nga bugas nga nagkantidad og P20 matag kilo. Apan ang baratong bugas dili inisyatibo sa gobiyerno kon dili sa usa ka pribadong lumolupyo ug mapalit lamang kini didto sa Ligao, City Albay. Ang P20 nga presyo sa bugas usa sa mga campaign promise sa Presidente apan gihinganlan sa nagbaligya ang bugas nga “Kakampink 102”. Makapahinumdom sa negosyanteng namaligya’g bolpen nga tag-50 sentabos lang matag usa. Sa dihang mireklamo ang kustomer kay dili moagi ang iyang napalit nga bolpen, daling mitubag ang negosyante nga, “Diay moagi, tag-10 pesos”. Pagkatoytoy!

Oportunista sa turismo

Trending karon sa social media ang Virgin Island sa Bohol tungod sa giingong labihan ka mahal nga presyo sa mga pagkaon didto. Naalarma niini ang gobernador sa Probinsya sa Bohol kinsa mipatawag dayon og tigom ug miawhag sa Sangguniang Panlalawigan pagpahigayon og imbestigasyon. Angayan nga susihon kini sa kagamhanan kay dili maayo nga magpatuyang lang usab ang mga manindahay sa ilang gibati. Dili tanang turista adunahan. Ang mga oportunista mopahimulos gayod sa kahigayonan nga walay pagtamod sa katarong ug maayong pamatasan. Wa gaba-e!

Dali mahigmata

Adunay napasar nga balaod nga naghatag sa dugang proteksyon sa katungod sa mga security guards pinaagi sa paghatag kanila sa gikinahanglan nga mga training ug ubang development program. Ubos sa maong balaod, maisip nga professional na ang atong mga security guards kay taas na ang antas sa rekisitos sa maong propesyon. Makapahinumdom sa aplikante nga nangaplay isip “night shift” nga gwardiya. Sa dihang gipangutana kon unsa ang iyang mga hiyas ug abilidad nga haum isip “night shift” nga gwardiya, dali kaayong mitubag sa pag-ingon, “Aww, ako hinoon Sir, diyotay’ng kasikas, mahigmata dayon ko”. Tua raa!

Kabos kay napasagdan

Gipahibalo sa mga supplier sa itlog nga adunay pagsaka sa presyo sa itlog gumikan sa hulga sa bird -u ug sa pagmahal sa presyo sa feeds. Buot unta ang kagamhanan nga dugangan ang produksyon, apan gilimitahan sa mga suppliers ang gidaghanon sa manok nga mangitlog tungod kay nangasakit man ang uban niini. Usa sa hinungdan ning dili stable nga presyo sa mga agricultural products mao ang kakulang sa suporta ug subsidiya sa gobyerno ngadto sa sektor sa agrikultura. Dakong baligho nga ang sektor nga naghago aron makakaon ang katawhang Pilipinhon, usa sa labing kabos sa katilingban. Fezteleern!

Cold coke vs. kulkog

Ning pagselebrar nato sa Buwan ng Wikang Pambansa, nanawagan si Presidente Marcos sa katawhan nga hatagan og gahum ang pinulongang Filipino. Alang sa presidente, ang paglitok sa pinulongang banyaga dili sukod sa kalantip sa hunahuna sa tawo. Dili malalis ang gisulti sa pangulo. Yawe sa kalambuan ang pagsinabtanay, sama nga kagubot ang resulta kon dili magkasinabot. Makapahinumdom sa foreigner nga nangutana sa Pinay nga, “Do you want cold coke?” Nasuko ang Pinay ug gisulingahan ang foreigner pag-ingon nga, “Uy, ayaw ko’g binuangi kay di jud ko mosugot ana’ng kulkog”. Butangi!

RICE

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with
no session for state
no session for code
no session for id_token
no session for user