^

Banat Opinyon

Hamugaway ug limpyo nga puwesto sa merkado sa Carbon

LABTIK - Alan Domingo - Banat

Wala nay nahimo ang mga vendors nga kanhi nag-okupar sa Freedom Park sa Carbon Public Market human gipatuman ang clearing operation niadtong nakalabayng mga semana bisan pa man sa mga pagbabag sa mga hingtungdan uban sa mga grupo nga nagsuporta kanila.

Gikoral na ang dapit nga ibalik sa naandan gyud nga Freedom Park nga nawagtang dihang giokupar sa mga nanginabuhi sa dapit, nagmagahi man ang kanhi nag-okupar kay naanad na sila diha apan wala mosaler sa mga otoridad nga nagpatuman sa demolition.

Ang lakang kabahin sa tinguha nga redevelopment sa merkado sa Carbon nga katambabayong ang pribadong kompaniya nga Megawide aron mamahimong world class ang merkado sa dakbayan sa Sugbo.

Ang mga naapektohan nga mga vendors gibalhin sa interim market sa Carbon diin nahatagan sila og puwesto nga katindahan. Akong gibisita sila sa nahimutangan in fairness limpyo, hapsay ug hamugaway ang ilang pwesto.

Naka-arrange sa unsa nga matang sa negosyo, equal ang gidak-on sa ilang pwesto walay mamintaha kay ang management man sa interim market ang nagbuot sa systema.

Sa ground floor anaa ang mga buwakan samtang ang ikaduhang andana ang kan-anan nga susama gyud sa food court, hapsay nga adunay mga lamisa ug bangko nga magamit sa mga customer. Sa bag-ong pwesto nila makaingon ko nga mas napatuman ang desiplina sa mga tawo. Maglisod man sa pag-adjust ang mga nanginabuhi sa Carbon kay lagi nawili sa kanhi pwesto apan gikinahanglan nga mohimo sila sa adjustment gustohon man nila o sa dili.

Sa pagkakaron mingaw pa ang ilang kita apan sa ngadtongadto maanad ra usab ang mga suki nila nga motultol sa ilang nahimutangan, ingon gyud niini sa sinugdanan apan maanad ra gipatuman nga kausaban.

Sinugdanan pa lang kini sa dakong kausaban nga mahitabo sa merkado sa Carbon nga seguradong mapatuman gyud. Usa lang atong panghinauton nga unta mahatagan ang tanan og kahigayonan nga makapadayon sa ilang panginabuhian ug tinuod nga ma-afford gihapon sa tanan ang ilang bayranan ugaling dunay kausaban.

Aduna may gyuy mausab tungod kay nigasto man ang pribadong kompaniya dili man sad mahimo nga himoong charity case ang mga vendors pero kong nindot gyud ang serbisyo diha  nga makadani sa mga tawo mabawi ra seguro.

CARBON PUBLIC MARKET

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with