^

Banat Opinyon

Tanan nasud nangangkon

BALITAHOM - Atty. Jose Marie N. Poblete - Banat

Hisgotan sa DFA ang 2016 arbitral ruling kabahin sa isyu sa South China Sea atol unya sa ASEAN Foreign Ministers’ Meeting karong sunod bulan didto Cambodia sa tumong nga mapanghigusgan ang pagpatuman niini. Angayan hinumduman nga ang uban’g nasud sa ASEAN nangangkon usab sa mga luna sa South China Sea.

Hayan walay maminaw sa Pilipinas. Makapahinumdum kini sa duha ka pasahero sa barko nga nag-ilog sa teheras kay lage pareho sila’g cot number. Aron masulbad ang problema, gibitbit sa usa ka pasahero ang teheras dayon ingon, “Na hala, imo na ang cot number, ako ni’ng teheras”. Appruub!

Naglibog sa iningles

Miangkon si Senador Robin Padilla nga naglisod siya pagsalmot sa mga plenary debates sa Senado tungod kay mag-Iningles man panahon sa ilang sesyon.

Nangomedya ang senador nga nagdugo ang iyang dalunggan nga naminaw sa debate. Dili angay mabalaka si Senador Padilla. Daghan’g progresibo ug edukado nga nasud nga dili iningles ang sinultihan. Makapahinumdum sa estorya sa estudyante nga naglibog sa iningles nga gitudlo kanila. Matud pa niya,

“Naglibog ko sa Titser. Ang Iningles sa pan, “brid” (bread), unya ang Iningles pud sa tulay, “brid” (bridge) gihapon. Moundang na lang ko”. Pagkatoytoy!

Midaug ang kaminyoon

Sa usa ka talagsaon’g hitabo, dungan nga nagpakasal ang tulo ka managsoon sa ilang tagsa-tagsa ka mga hinigugma agi og pagtuman sa kagustohan sa ilang inahan. Matud pa sa pari nga nagkasal sa tulo ka managsoon, ang maong panghitabo nagpadayag sa kadaugan sa kaminyoon nga kadugan usab sa simbahan. Sa iyang kalipay gi-post sa pari sa iyang Facebook account ang maong panghitabo. Wala hinoon niya bendisyone ang mga bag-ong magtiayon pinaagi sa pag-ingon nga “I now pronounce you husbands and wives. You may now change your Facebook status”. Madahaan!

Anaa pa sa kangitngit

Gibasol sa DOH ang pribadong sektor sa wala nila paggamit sa COVID vaccines ngadto sa mga eligible frontliners aron malikayan unta nga pag-expire ug pagka-usik niini. Apan namahayag usab ang negosyante nga si Joey Concepcion nga ang kakulang sa kasibot ug kalangan sa HTAC ug DOH sa paghatag sa mga polisiya ug kamanduan maoy hinungdan sa kalangan usab pag-dispose sa mga bakuna.

Tataw nga nanghunaw ang kagamhanan. Anaa pa tingale sa kangitngit ang DOH kabahin ni’ng maong isyu mao nga buot nila’ng dabdaban ang pribadong sektor aron makabaton sila’g kahayag. Fezteleern!

Lisod dakpon ang monkey ug fox

Segun sa DOH, aduna na’y natala nga una’ng kaso sa monkeypox dinhi sa Pilipinas diin usa ka 31 anyos nga Pinoy nga gikan sa laing nasud ang natakdan ug nagdala dinhi sa maong sakit. Daghan ang nakapangutana ngano nga nakasulod ang maong “masakiton” luyo sa pagpangandak sa kagamhanan nga gihugtan nila pagbantay ang mga entry points aron dili kita masudlan sa maong balatian. Apan matud pa sa akong amigo, “dako’g kahigayonan nga makasulod ang monkeypox kay malisod man gani dakpon ang “monkey,” unsa na kaha ang “Fox” (pox). Unya magdungan pa gyud ang duha”.

May’pag moligeed

ASEAN

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with