^

Banat Opinyon

Mas praktikal ang uniporme sa eskwelahan

LABTIK - Alan P. Domingo - Banat

Balik eskwelahan na ang mga bata sa pagsugod sa klase karong Agusto 22 ug hingpit nga ipatuman or full implementation sa buwan sa Nobiyembre.

Usa sa isyu karon mao ang pagsul-ob og uniform sa mga estudyante sa mga pampublikong tunghaan diin gipahibawo ni Vice President ug DepEd Secretary Sara Duterte nga pwede na nga dili mag uniporme ang mga bata.

Tumong niini nga dili mapugos o mabug-atan ang mga ginikanan sa pagpalit og mga school requirements ilabi na karong panahona nga lisod pa gihapon ang atong kahimtang tungod sa epekto sa pandemic.

Bisan og dili mandatory ang pagsul-ob og uniform sa eskwelahan apan mahimo ra man usab nga magsul-ob kong gustohon man sa mga ginikanan ug mismo sa mga tinon-an.

Kasagaran sa mga ginikanan gusto silang mag-school uniform ang mga anak kay limpyo ug nindot tan-awon. Tinuod baya pud, para nako mas maayo kong mag uniform ang mga bata.

Una mas practical kong adunay uniform tungod kay dili kalas og sinena kay mao ra man kiniy balikbalikon og sul-ob kada adlaw, makagasto man pero ka usa ra ug magamit siya hangtod magamit        pa.

Kong walay uniforme pastilan maklaro intawon ang daginoton nga senina pareha sa mga kabus nato nga mga kaigsoonan nga talagsa ra intawon kaayo ang nindot nga senina.

Pareha namo kaniadto nga walay ikapalit og bag-o magmantinil kami og mga tinoboan sa mga magulang.

Nakatabang gyud ang uniform kay patas man ang tanan, ma adunahan man o pobre pareho ra og gisul-ob sa eskwelahan, walay pressure sa mga  estudyante.

Labaw sa tanan, proud pud baya ang atong mga ginikanan nga makakita sa mga anak nga nagsul-ob og uniform kay makita nila ang ilang paningkamot aron makaeskwela ang mga anak.

Labaw sa tanan ang school uniform maoy simbolo sa pagpanglimbasog sa mga tinon-an nga makab-ot ang gitinguha nga pangandoy sa kalamposan.

Kong naa nay ikapalit og uniform hala pagsul-ob ug kong wala pa magtigom aron makapalit kay dili man kini pinugsanay.

ESKWELAHAN

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with