^

Banat Opinyon

4Ps, eswkelahan sa kinabuhi

LABTIK - Alan P. Domingo - Banat

Ang Pantawid Pamilyang Pilipino Program kon 4Ps nga programa sa gobiyerno nga gipaagi sa Department of Social Welfare and Development DSWD ang sagad masaypan nga dole out ngadto sa mga kabus nga nalista sa programa.

Apan dako kining sayop sanglit ang 4Ps mao ang programa alang sa dakong kausaban sa kinabuhi sa mga tawo nga moako og responsibilidad ug adunay commitment nga makahaw-as sa kalisod nga gisagubang.

Kadtong mga benificiaries niini adunay mga lagda nga estriktong tumanon lakip na ang pagseguro nga makaeskwela ang ilang mga anak, makapa-checkup sa panglawas ngadto sa mga health centers ug motambong sa mga kalihokan alang sa pamilya isip pag giya sa gitinguha nga life transformation.

Kadtong dili makasunod naay epekto sa ilang dawaton nga allowance mao diay nga dili pareho ang madawat sa matag usa ka benepisyaryo.

Dako kaayo og natabang ang programa sa kapin 300 mil ka mga benificiaries sa tibuok Central Visayas diin halos katunga na niini ang self-sufficient o kadtong makabarog na sa ilang kaugalingon.

Ang 4Ps mao ang eskwelahan sa kinabuhi nga nag-agak sa mga tawo ngadto sa pagkab-ot sa ilang maayong ugma, adunay mga nagmalamposon sama nalang sa usa ka miyembro nila kaniadto nga labandera nga inahan dunay upat ka mga anak.

Ang iyang cash grant nga nadawat gigamit sa pagpaeskwela sa mga bata ug siya usab nag eskwela hangtod nakatapos siya sa kurso ug karon anaa na sa DSWD Compostela nagserbisyo isip social welfare officer.

Laing success story ang nitapos sa kolehiyo nga magna cum laude nga taga lungsod sa Cordova.

Janitor ang iyang amahan walay trabaho ang inahan, halos dili sila makakaon walay balon sa eswkelahan kaniadto.

Apan ang ayuda nga gihatag sa gobiyerno kanila gigamit nila sa maayong pamaagi maong nagmalamposon.

Ang ingon niini nga mga estorya maghatag kanato og paglaum dili lang pulos saway ilabi na kadtong moingon nga gigamit sa bisyo ang kwarta.

Tinuod man kana pag-angkon sa labaw sa DSWD apan gihimo nila ang tanan nga makabig og balik ang mga nahisalaag, apan kon dili namadala kay ang taglawas ang dili na gusto wala na silay mahimo.

Basta ang kausaban sa kinabuhi anaa ra gyud na sa mga kamot nato mismo ug dili sa gobiyerno tungod kay igo lang sila nga moabag.

Ma ni gitawag nga shared responsibility.

4PS

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with