^

Banat Opinyon

“Level up na mo, ayaw mo pakauwaw”

LABTIK - Alan Domingo - Banat

Mao kini ang mensahe ni Cebu Governor Gwendolyn Garcia sa mga kawani sa Kapitolyo nga wala mopakita og kakugi sa trabaho ug abtik ra ba mopapirma og overtime ug kusog mangwenta og trabaho, ilabi na kadtong mga nahimo nang regular sa position nga gihuptan.

Gikatakdang mopahigayon og assembly ang gobernador sa tanang mga kawani sa Kapitolyo diin taodtaod na nga wala niya kini maestorya kay dili man gud ganahan siya nga magsegi og pahimangno kay ipalapos ra kuno sa dunggan.

Gipadayag ni Garcia nga aduna man usay mga kawani nga outstanding ang performance nga dili gani magkwenta sa oras sa ilang trabaho, mao kiniy sakto nga panag ingnan o sumbanan sa uban.

Sakto baya si Garcia sa iyang obserbasyon. Dili lang sa Kapitolyo kon dili bisan asa seguro nga trabahoan ma private o gobierno man aduna gyu mga boluyagon sa trabaho.

Maayo lang sa bag-o pa o wala pa maregular kay kugihan kaayo pero inig ka regular na mokubol na, mosugot man sugoon pero mopatak usab ang matag minutos sa overtime.

Alang sa tanang mga trabahante, kong unsa man ang gipakitang labok kong bag-o pa nga kugihan kaayo mas palabwan pa kini kong ma permanente na isip pasalamat nga na-regular na sa trabaho.

Balikan nato si Gobernador Garcia. Makita nato nga mora’g wala man siyay pahuway, kanunay siyang adunay gitrabaho bisan gani niadtong bag-o pa lang nahuman ang eleksyon diin siya nakaangkon sa makabungog nga kadaugan. Wala gyud siya nag-break o bisan niadto man sa abroad pareha sa uban nga mga opisyal nga nag one week break naglulinghayaw, apan si Garcia deretso sa trabaho.

Dili sa pagdayeg pero mao man kini ang atong nakita kaniya. Busa angayan nga himoon siyang sumbanan sa mga public servants nga sinweldohan, dagko na ra ba kuno sila og sweldo gikan sa buhis sa mga tawo angayan lang maulaw sila kong magtinapolan.

Kadtong dili gusto og trabaho nga molihok lang kong sitahon, mas maayo boluntaryo nalang nga mobakante sa pwesto samtang dili pa moabot ang panahon nga kamo ingnon wala na kinahanglana ang inyong serbisyo.

Dawat limpyo pero gayaka lang sa trabaho, angayan nga mauwaw mo kay kugihan ang inyong amo, hala baylo nalang mo pwesto. Bitaw kong ganahan manarbaho higugmaa kini aron molungtad ug duna usay padulngan basin diay ma-promote sa mas taas nga pwesto.

GWENDOLYN GARCIA

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with