^

Banat Opinyon

Inagurasyon sa katawhan

LABTIK - Alan P. Domingo - Banat

Kong sa basketball inig makadaug na, nahuman na usab ang duwa.

Apan dili ingon niini ang pagpanebisyo sa mga napili sa nakalabay’ng eleksyon kay human sila nakadaug mao pa usab kini ang sinugdanan sa tanan.

Mao kini ang mensahe ni Cebu Archbishop Jose Palma atol sa iyang misa sa inagurasyon sa mga nakadaug o napili nga mga opisyal sa dakbayan sa Sugbo pinangulohan ni Cebu City Mayor Mike Rama.

Karon nga opisyal na sila nga matawag nga mga public servants mao na usab kini ang panahon nga sugdan nila sa pagmatuod sa ilang bili bugti sa pagpili kanila sa mga tawo nga mihatag og dakong pagsalig kanila.

Ang tinuod nga public servant mao kadtong moserbisyo gyud moduol sa mga tawo mamati sa mga gikinahanglan ug labaw sa tanan moaksyon dayon, dili lang kutob sa paminaw kon dili ipakita sa buhat.

Human naman ang basket sa politika panahon na nga magkahiusa alang sa kaayohan sa mga tawo wala na kadtong kolor sa politika kay wala naman ang kampanya.

Gipamatud-an ni Mayor Rama ang iyang tinguha nga makighiusa sa tanan nga nakaatbang niya sa politika.

Atol sa iyang inagurasyon gitunol niya ang oyang kamot ngadto sa nahimo niyang mga political opponents apil na gani kang kanhi Mayor Tomas Osmeña nga gihulagway niya nga iyang mentor.

Ang uban pa to dili gyud seguro hisgotan ang mga kontra sa politika, moingon man ang uban nga drama ang pag reach out ni Rama sa mga political opponents. Apan para nako genuine ug sinsero siya kay alang kaniya apil ang tanan alang sa kalamboan sa dakbayan.

Mao ni akong gikabiliban sa mayor sa dakbayan kay walay pili mga halangdon, adunahan, adunay position o wala, mga kabus tanan hut-ong iya gyud gihatagn og equal importance.

Gani ang mga sakop sa media nga nagpahipi lang sa daplin giadto gyud niya giestorya nga dili na gani unta angay kay mopadung na siya paso alang sa processional march sa inauguration.

Taas lang gyud hinuon modala og estorya si Rama apan undanon, naa lang seguroy higayon nga motuyok na ang iyang pakigpulong kay gusto niyang hatagan og emphasis sanglit abogado man usab siya by profession.

Sama sa giingon ni Mayor Rama nga ang inagurasyon dili kanila nga mga nakadaug sa pwesto kon dili sa mga tawo nga nagpili ug apil na ang wala nagpili kanila nga maoy ilang serbisyohan.

Unta matuman ang tanan nilang gipanaad nga mamahimong tinuod nga public servant nga anaa dayon kong gikinahanglan.

BONGBONG MARCOS

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with