^

Banat Opinyon

Sugod na sad ta og ihap?

LABTIK - Alan Domingo - Banat

Misaka naman sad kuno ang kaso sa COVID-19 nga mao na usay sige og balita karon base sa gipagawas nga data sa Department of Health sa kaulohan.

Wala nalang ba gyud niy kahumanan? Nganong karon naman lang subling nidaghan og balik? Wala lagi nisaka niadtong panahon sa kampanya? Mao kini ang mga pangutana nga nagdumiraw sa hunahuna siguro natong tanan.

Dili malikayan nga adunay motumaw nga mga pagduda kong unsay nagpaluyo niining tanan kay matud pa mokuyanap ang virus kong dunay convergence sa mga tawo. Pero sa liboan ka mga tawong nagdasok sa mga political rally puwera gaba este puwera buyag wala man nidaghan ang COVID-19.

Dili man sad ni ma-attribute ang COVID-19 spike karon sa mga rally kay kapin sa usa ka bulan naman human na ang incubation period sa virus.

Makaingon ang uban nga ang covid kabalo sad mamolitika dili motakod kong political season, ayha na molihok human sa eleksyon naa gyuy buot ang covid kanus-a motakboy.

Abi nako kong wala na tay kabalak-an kay naa naman ang bakuna nga pang alkontra sa virus. Gani mora’g daghan pa man ang available vaccine, apil na niini ang pang booster ug pang second booster nga maoy gi-promote karon.

Ang explanation sa mga doktor sa DOH nga basin tungod kay gi-require na ang testing sa mga tawo nga mosulod sa trabaho maong nisaka ang kaso kay mao man kini ang recorded nila.

Sa ato pa, kadtong nanambong sa rally nga wala nagpa-test posibleng nataptan og nangaayo nalang.

Kong magsige gud og ihap sa kaso maghatag kini og kakulba ug stress sa mga tawo. Nganong dili naman lang isipon nga normal nga balatian kini ilabi na sa mga nabakunahan.

Tungod sa bakuna maong wala kuno magrabehi ang mga tawo sa COVID-19 maong luag gihapon ang mga hospital. Naa ra man diay na, pareha sa ubang sakit kong magrabehan mahospital man gyud. Move on na ta sa kahadlok ug kabalaka kong makakita sa numero. Pero sa samang higayon mag-amping gihapon aron dili mataptan sa bisan unsa nga sakit dili lang ang covid.

Sa ganahang magpabakuna hala buhata pero sa dili ganahan ayaw pugsa kay katungod usab na nila.

Klarohon nako ako bakunado ug boostered pa.

COVID-19

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with