^

Banat Opinyon

Wala mahanaw ang pagbati

BALITAHOM - Atty. Jose Marie N. Poblete - Banat

Gipahunong na ni Presidente Duterte ang pakig-sabotsabot tali sa China mahitungod sa joint exploration pagpangita’g lana ug gas diha sa South China Sea.  Nasuta nga paglabay sa tulo ka tuig, walay nakab-ot ang maong panagsabot-sabot.  Tataw nga dili interesado ang China sa joint exploration kay buot ra nila solohon ang maong negosyo.  Dili hinuon pagasabton nga wala na gayud kining maong kasabotan.  Pabor gihapon ang atong kagamhanan habig sa China.  Ginaingon baya nga, “Bisan naundang na ang relasyon, dili sabton nga nahanaw na ang pagbati”.  Baya no!

Wala’y ngipon nga balaod

Gihimug-atan sa DTI nga ang pagpagawas og suggested retail price (SRP) sa mga paninda adunay balaod nga gisandigan nga mao ang RA 7581 o ang Price Act.  Ang SRP gi-isyu sa DTI isip giya sa konsumidor ug pagpanalipod sa naulahi gikan sa mga malimbongon nga transaksyon.  Daw kutob ra man ang DTI sa paglatid sa SRP, apan wala’y tinud-anay nga pagpatuman niini. Balaod sa supply ug demand ang nagkontrolar sa presyo.  Ang R.A. 7581 kon Price Act nahilakip lang sa listahan sa balaod nga sama sa “Whale Shark”…. dako ang baba pero walay ngipon”.  Feztleern!

Kon gidagpak pa lang

Mideklarar si Cebu City Mayor Mike Rama og gubat batok sa dengue human misaka ang gidaghanon niini.  Mopagawas ang mayor og executive order nga magmando sa tanang barangay nga mohimo’g mga lakang aron masumpo ang maong dangan. Sa daghang kadaot nga dala sa dengue, angayan kining atimanon ug batokan pinasi-ugdahan sa kagamhanan.  Makapangutana lang hinoon kita ngano nga nagdala si Noah ug usa ka pares nga lamok sa iyang arka.  Iya pa lang unta gidagpak ang magtiayon nga lamok, wala na unta’y kaliwat kini’ng maong dangan karon.  Pagkatoytoy!

Bantingan atol sa bagyo

Aron makunhuran ang epekto sa padayong pagsaka sa presyo sa gasolina, misugyot ang usa ka kongresista sa pag-reallocate sa budget aron ipanghatag isip subsidiya o “Transport Ayuda” ngadto sa mga apektadong sektor.  Taliwala ni’ng krisis, hangpon sa katawhan ang bisan unsa’ng solusyon.  Ang kalangan sa kagamhanan sa pagpanghatag maoy nakabaligho niining tanan.  Nahisama kita sa tag-iya sa balay nga walay gibuhat samtang nagsingabot pa ang bagyo apan kusganon’g nang-awhag sa kauban nga ilang bantingan ang balay sa dihang mikuso-kuso na ang hangin.  May’pag moliged!

Buy and sell business

Mipahigayon ang COMELEC og preliminary investigation sa 17 kaso sa vote-buyng ug vote-selling atol sa 2022 nasyonal ug lokal nga eleksyon.  Apan segun sa kasinatian, ang paglutos sa COMELEC sa maong salaod, wala makapahunong sa vote-buying. Daw negosyo na man kini sa mga botante. Makapahinumdum sa akong palahubog nga amigo nga bisan gisaway, wala moundang sa pag-inom kay alang kaniya, anaa siya sa negosyo nga “buy and sell” diin “mopalit” siya’g ilimnon ug ibaligya niya ang matigom nga botelya.  Madahaan!

* * *

Personal note:  Ako’ng mainiton’g pagtimbayâ ngadto kang RONALD CALAPAN nga taga-Brgy. Mabini, Cebu City nga nagsaulog sa kasumaran sa iyang adlaw’ng natawhan karong adlawa. Happiest Birthday Nyor!

SOUTH CHINA SEA

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with
no session for state
no session for code
no session for id_token
no session for user