^

Banat Opinyon

Pag-surrender human sa 10 ka adlaw, drama ra?

LABTIK - Alan Domingo - Banat

Milanog ang kasuko ug kaligutgot sa halos tanan seguro nga mga tawo nga nakakita sa usa ka security guard nga gituyo og ligis dayon midiretso og sulod sa ilang subdivision.

Human sa napulo ka adlaw ni-surrender ang driver uban ang mga ginikanan kay nahadlok sa bahad sa labaw’ng opisyal sa PNP, nag-sorry kini sa iyang nahimo ug dayon gibuhian.

Nakapasamot kini sa kalagot sa mga tawo kay tungod dato ang suspek wala gyud katilaw og prisohan ug kong pobre deretso balhog sa rehas nga puthaw.

Dili na matud pa pwede nga prisohon ang suspek kay dili na siya masulod sa warrantless arrest kay nalapas na ang reglamentary period ug dili na sad kuno mahulog sa hot pursuit operation busa gikinahanglang nga dunay kaso nga masang-at sa piskalya. Taas pa kaayo nga proseso ang agian kay resolbahon pa kini sa piskalya pinaagi sa preliminary investigation ug kong makita nga naay probable cause ayha pa isang-at sa korte ug didto na posibleng mapagawasan og warrant of arrest ang suspek nga maoy gamiton sa pagdakop sa suspek.

Pastilan taas kaayo abtan og siyamsiyam, walay bawot ang biktima kay sa unang sultada pa lang kakak na kay wala may ikasarang sa kombate sa husgado.

Kong tinuod ang obserbasyon sa uban nga kaila ang opisyal sa PNP ug pamilya sa suspek, wala kaha naghimo sila og script nga sa ikanapulo na adlaw mosurrender aron sure nga makalingkawas sa prisohan kay mopabor naman nila ang balaod? bisan unsaon gyud protektado naman sa balaod ang katungod sa suspek. Sa mga hulagway ni-amen ang inahan sa suspek sa police official ug nibalos usab kini og yukbo nga gihulagway ni Gov. Garcia nga adunay mutual love and respect.

Sakit pero balaod man kuno nga kinananglan sundon alang sa mga datu kay sa realidad kong pobre ang makalapas sa balaod bisab gamay ra aw deretso priso sama niadtong tiguwang sa Manila nga wala nag face mask kaniadto nakatilaw gyug prisohan, kadtong gipasanginlan nangawat og mangga nga lolo priso gihapon.

Dinhi nato makita ang dakong kalainan sa kabus ug adunahan kay dali kaayo gamiton ang balaod sa mga adunahan apan sa mga kabus mahimo ra nga laktoron balhog dayon sa bilanggoan nga magpaabot taas nga katuigan ayha madesisyonan ang kaso kong sila inosente o sad-an.

PNP

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with