^

Banat Opinyon

Pasalamat sa mga Sugboanon

LINTUNGANAY - Fred P. Languido - Banat

Misibaw ang kasayuran nga usa ka batan-ong mayor gikan sa Sugbo ang posibleng malakip sa de kalibre nga han-ay sa mga sakop sa gabinite ni incoming president Ferdinand “Bongbong” Marcos Jr.

Sigun sa mga tinubdan, posibleng ang tourism portfolio  maoy ihatag sa batan-ong mayor.

Kinsa ang maong mayor? Sa akong pagsuwat ning lindog wa pay pahibawo gikan sa kampo ni Marcos apan daghan ang nangagpas nga ang gipasabot nga batan-ong mayor mao si Liloan Mayor Christina Garcia-Frasco, ang anak ni Gobernador Gwen Garcia ug asawa ni Kongresista Duke Frasco sa quinto distrito.

Dili na hinuon angayang ikahibulong ang pagtumaw sa pangalan ni Mayor Frasco tungod kay suod ang iyang pamilya ug sa mga Marcos.

Gawas sa personal nga relasyon sa ilang pamilya, dako sab og gikatabang si Frasco sa kampanya ni Marcos dinhi sa Sugbo.

Isip abogado haum sab siya alang sa maong pwesto. Ang iyang kalantip nga makita sa kalidad sa iyang liderato Liloan dako og ikatampo sa industriya sa turismo sa nasud.

Angayan sab gyud nga motudlo og Sugboanon si Marcos sa iyang gabinite isip pasalamat ug pagtamod sa dakong mayoriya nga gihatag sa Sugbo niya sa miaging eleksiyon.

Pinaagi niini mapakita ni Marcos sa mga Sugboanon ang iyang pagtan-aw og utang kabubot-on. Wa pa sukad mahitabo nga gihatagan sa Sugbo og kapin sa usa ka milyon ka botos ang usa ka kandidato pagkapresidente.

Apan sa miaging eleksiyon makabungog ang kadaugan nga gihatag sa Sugbo ngadto ni Marcos ug kabahin sa maong kadaugan ang suporta sa pamilya ni Frasco ug sa iyang inahang gobernador. Kun nahinumdom pa mo dihang midaog si kanhi Presidente Gloria Macapagal Arroyo niadto ug gihatagan siya og dakong mayoriya sa Sugbo.iyang gipasalamatan ang mga Sugboanon pinaagi sa pagpanumpa dinhi sa Sugbo.

Gawas niini nagbutang siya og Malakanyang sa Sugbo ug mitudlo og mga Sugboanon isip miyembro sa iyang gabinete —sila si Ace Durano sa tourism ug anhing Cerge Remonde isip Press Secretary.

SUGBO

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with