^

Banat Opinyon

EDITORYAL-Dakong insulto

Banat
EDITORYAL-Dakong insulto

Dunay punto ang mga reklamo sa mga mamumuo bahin aning P31 nga usbaw sa suholan sa mga mamumuo sa Central Visayas.

Gitawag nila kining insulto, tungod kay mas dako pa ang usbaw sa Western Visayas nga P55 nga usbaw itandi sa CV.

Kung buot hunahunaon,mas dako ang ekonomiya sa CV ug mas mahal ang cost of living dinhi kay mahal ang presyo sa mga palaliton ug serbisyo.

Gani sa WV, ang mga kompanya nga dili moabot 10 ang empleyado, P110 gyud ang usbaw sa ilang suholan kada adlaw.

Makataruganon ug balido ang punto ang ilang gisang-at. Naa halos tanang dagkong industriya dinhi sa rehiyon nga wala sa WV, mao ngano man mas dako pa hinuon sila og usbaw ss suholan didto.

Karon pwerteng dakoa na sa deperensiya sa presyo sa kaniadto ug sa karon. Misaka na og maayo ang presyo sa produktong petrolyo.

Ang usbaw ba nga gihatag makaluwas ba gyud sa mga mamumuo karon dinhi sa Central Visayas?

Duha ka tuig nga wa nangayo og usbaw ang mga mamumuo, unya P31 ray ihatag matag adlaw?

Ang labing maayong solusyon ani, i- nationalized ang minimum wage increase. Usahon tanan aron patas.

Apan siguro gyud maapektahan ang mga gagmay nga patigayon kun kini ang mahitabo.

Kay sa pagkakaron, mura man og dili makatarunganon kining mga wage increases nga gihatag, dili man halos katandog sa kasamtangang nahimutangan sa mga mamumuo.

Ang dakong pangutana karon, duna ba kahay magbabalaod nga kursonadang mangamahan sa balaudnong i- nationalized ang minimum wage increase.

Wagtangon nalang kanang mga RTWPB kay lagi sumala pa sa labor sector wala man gihapon kini pulos kay adto ra man pirme pabor sa mga negosyante.

CENTRAL VISAYAS

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with