^

Banat Opinyon

Saad ni Bongbong

RENBOR PATROL - Rene U. Borromeo - Banat

Nindot kay si President-elect Bongbong Marcos mipasalig nga maninguha gyud siya nga mapatuman ang hukom sa International Arbitral Tribunal nga sakop pa sa Pilipinas ang West Philippine Sea nga gustong ilogon sa China.

Sa kampanya, nagpakahilom ra niini si Bongbong, ug si Senador Panfilo Lacson ra maoy way kukahadlok nga mipahibawo nga kon siya maoy makadaog, ipatuman niya ang hukom sa International Arbitral tribunal.

Tinuod, gamhanan kaayo ang China, ug ikatandi kini sa usa ka kabaw, ug ang Pilipinas usa lang ka “kuto.” Apan bisan og gamay nga nasud ang Pilipinas, dili usab maayo nga magpadaug-daog na lang ta, kay abusohan ta niana.

Gisaad usab ni Bongbong nga ipadayon niya ang hugot nga kampanya batok sa ilegal nga drugas. Tan-awon nato kon unsaon niya sa pagpaagi, ug unta dili niya sundogon si Presidente Duterte nga maayo lang sa hambog apan pakyas sa iyang saad.

* * *

Nakadawat ko og text message nga nangutana kon asa na kuno paingon si Senador Bong Go kon mobiya na sa katungdanan si Presidente Duterte karong Hunyo 30.

Nakahukom ko nga ang akong tubag iapil nako sa lindog kay posible tuod nga daghan ang wa kaayo masayod, kay wa kaayo sila makasabot sa dagan sa politika.

Kon dili na presidente si Duterte, ang akong amigo nga si Bong Go magpabilin nga senador kay ang iyang termino kutob pa sa 2025 kay unom man ka tuig ang termino sa mga semador, ug si Bong Go napili kaniadtong 2019.

* * *

Gipahibawo ko ni Edna Inocando, ang public relations manager sa MCWD, nga mihasi diay karon ang pagpangawat sa mga water meters.

Pasidan-an nako kadtong mga mamalitay og ginamit na nga water meters nga kinawat gikan sa linya sa MCWD nga makonbikto gyud mo unya sa paglapas sa Presidential Decree 1612 (Anti-Fencing Law) kon masakpan mo.

Kon makonbikto man ang mga gibaligyaan, labaw na ang mga nangawat.

Buyno, awhagon diay nako ang katawhan nga tabang mo og bantay sa inyong mga water meters.

Pananglit nasayod mo kinsa ang kawatan, tug-ani ninyo ang legal department sa MCWD kay aron mapitol kining mga kanahan. Mohatag og primyo ang MCWD (P10,000) alang niadtong makatudlo kinsa ang mga kawatan.

Unya, P25,000 niadtong motabang gyud aron ang mga kawatan masilotan gyud sa hukmanan aron mapriso ug matudloan og leksyon nga dili husto ang ilang gihimo.

Sakripisyo sa MCWD kon kawaton nila ang mga metrohan sa tubig, ug mabalda usab ang serbisyo sa MCWD ngadto sa katawhan, mao nga kitang katawhan angay’ng magpakabana.

BONGBONG MARCOS

WEST PHILIPPINE SEA

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with