^

Banat Opinyon

Flores de Mayo

MGA LAMAS SA KINABUHI - Fr. Rey Cui - Banat

Bisan pa man kun daw sa nibalik na ang pagsaulog sa Flores de Mayo apan medyo dili pa gyud kaayo daghan ang mga kabataan nga nitambong sa kasaulogan.

Kaha tingali hadlok pa sa COVID-19 o dili ba kaha daghang mga kompetensiya apil na niini ang mga online gaming nga maoy gikabuanganan sa mga bata apil na tang mga dagko o mga hamtong.

Pun-an pa sa mga katekista nga edaran na sab. Apan bisan pa man niini padayon gighapon kita sa atong paningkamot alang sa umaabot nga ebanghelisasyon.ug ang Flores de Mayo nahimo mang kabahin sa atong mahinungdangong panaw uban sa atong Inahan panahon sa bakasyon.

Apan gumikan sa COVID-19 nahimong abnormal na pud bisan gani ang dagan sa mga schedules labina gyud sa pagtungha sa mga kabataan nato.

Ania ang mga tipik sa pamalandong nga atong mapupo.

1. Una ang paghalad sa mga bulak panahon sa Misa dili lang mahitungod sa bulak nga physical kondili naglakip usab kini sa mga bulak sa mga birtud nga atong ihalad kang Maria atong Inahan nga padayong nagpangga ug nangama alang kanato labina gyud sa atong dakong panginahanglan. Ang iyang anak nga si Jesus dili man gyud makabalibad kun inahan na gyud ang mohangyo.

2. Ikaduha, ang novena ug rosaryo mahinungdanon nga kahimanan sa pag-ampo. Nag-ampo kita nga unta dunggon ang atong pangilaba.

Ang Santos nga Rosaryo giisip nga poor man’s breviary. Kini tungod kay sa karaang panahon dili man tanan ang dunay kahigayonan nga makahupot og breviary kun ang libro diin gibalaan nato ang atong mga takna.

Ang matag Ave Maria gamhanan man kaayo ug gani mahadlok niini ang yawa.

Sa among parokya, gihimo gyud nakong balansayon ang pagsuroysuroy sa mga balay aron pagrosaryo kuyog sa pamilya.

Kuyog usab niini ang pagsab-ong sa eskapularyo sa mahal nga Birhen sa Carmen. Akong panghinaut nga unta mahibalik ang naandang kadasig sa mga tawo sa pagduol sa Mahal nga Birhen dili lang panahon sa Flores de Mayo kondili sa tanang mga adlaw sa atong kinabuhi. Ave Maria!

COVID-19

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with