^

Banat Opinyon

Tutor nga bitin

LABTIK - Alan Domingo - Banat

Usa ka 10-anyos nga batang babaye ang nabiktima sa walay puangod nga suspek kinsa gisaligan unta sa paggiya sa biktima aron makaangkon og maayong salabotan isip pagpangandam sa pagkab-ot sa mahayag nga kaugmaon.

Ang 41-anyos nga lalaking silingan sa biktima ang migusbat sa dungog ug sa tibuok pagkatawo sa bata human niya pahimusli sa dili na maihap nga higayon diin nagsugod sa nag edad pa ang biktima sa otso anyos.

Sa pagsugod sa pandemic niadtong tuig 2020, nahunong usab ang klase nga linawas ug gipatuman ang modular ug ang online classes sa mga bata diin gipapundo sa mga balay ang mga bata aron malikay sa peligro sa COVID-19.

Ang ginikanan sa bata nikuha og kaabag nga motudlo niini bisan sa pagbasa naman lang ug sa mga module aron makaamo ug makapasar sa klase, ang silingan niini nga suod sa pamilya ang gikuha.

Dili maestro ang lalaki kay high school graduate ra man kini apan gisaligan siya nga makatabang sa paggiya sa mga himoon sa bata sa iyang klase. Apan luyo sa pagsalig sa ginikanan sa bata ang itom nga tinguha sa suspek.

Gihilabtan niya, gibitad niya kini sa kangitngit hangtod milampos ang iyang tinguha. Inay pagtudlo sa matarong nga dalan, giunay niya sa pag guba ang kadungganan sa bata.

Akong nahinabi ang suspek human siya gidakop sa kapolisan base sa reklamo sa ginikanan diin giangkon niya ang tanan ug gidetalye pa ang linuog niyang gihimo sa bata nga kong ikaw makadungog murag mahimo kang krimal kong dili ka kapugong sa kalagot sa suspek.

Tiaw mo na nga kada session sa tutorial mahitabo man ang pagmolestiya niya sulod sa duha ka tuig niyang gihimo ang krimen nga nakaapekto kaayo sa kinaiya sa bata.

Ang mga ginikanan wala pirme sa balay nanginabuhi usab busa nakahigayon gyud ang bitin nilang silingan sa pagtukob sa inosenteng bata.

Kong dili pa lang sala, makaingon kita nga angayang pahunongon ang edad niining tawhana. Apan tungod kay naa man kitay balaod atong ipaagi gihapon kini sa due process bisan wala na gyud untay angay.

Dili man sa pagbasol sa mga ginikanan kay nanginabuhi man sila aron mabuhi ang mga anak, apan dili gyud angayan isalig sa ubang tawo ang mga anak ilabi na kong babaye kini ug ang tutor lalaki kay delikado kaayo. Ngano man diay kong mag tutorial panahon nga anaa ang mga miembro sa pamilya arong segurado gyud nga walay milagrong mahitabo.

Maayo nalang kay namatngonan ug nakuhaan og video ang gihimo sa suspek ug wala na kini makalimod ug miangkon tanan sa iyang gihimo.

Ang ingon niini nga tawo dili matawag nga tawo kon dili usa ka higanteng bitin nga mitukob sa iyang biktima. Dili siya makalikay sa kabangis sa  balaod tungod sa bug-at niyang sala..

Ang biktima gikihanaglan usab nga ipaubos sa proseso aron mabalik ang iyang pagka siya nga gikawat sa usa ka tampalasan.

COVID-19

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with