Dili matakpan ang tinuod

Mahilig si Vice President Leni Robredo pagpakatap og mga hulagway/video nga magpakita sa iyang kinaiya nga mapaubsanon. Sama sa miaging piniliay, diin sa gawas sa presinto miapil siyag linya sa mga botanteng nanagbarog.

Lahi sa kang Bongbong Marcos, nga mga tawo ang mihagad nga paunahon siya sa pagbotar. Ug bisag didto na siya sa sulod, malipayon ang panagway sa nanaglinyang botanteng nakakita kaniya.

Human sa eleksiyon, miadto si Leni sa Amerika kuyog sa iyang mga anak aron motambong sa graduwasiyon sa usa kanila. Sa airport nagpakodak si Leni nga naghigda-tulog ibabaw sa lingkoranan. Sa Amerika, sulod sa balay, nagpahulagway samtang namlansa sa igsusul-ob nga sinina sa mograduwar niyang anak. Diin, mianig nagkalainlaing reaksiyon.

May mga midayeg. Pero mas daghan ang misaway. Pagpakaaron-ingnon na usab kuno!

Piloto sa Cebu Pacific Air (CPA), mipaambit-post sa iyang eksperensiya, diin sa iyang flight nasinati niya ang tinuoray’ng kinaiya ni Leni. Aniay tipik: ‘On Leni’s ironing graduation toga at New York; showbiz!!’

“How about yong nag-divert kami last month kasi pinahold nya lahat ng flights para lang priority to land cya sa Manila? And that is coming from a campaign in the south. I know she is entitled to that as VP, pero para gawin mo on peak hours at para sa election, mali na ata yun.

Pasahero ko pa ambassador ng Australia that time and when I made the PA before we divert, I can see his head shaking na lang sa camera.”

Hinuon, gitubag na kini sa taga Office of the Vice President, kinsa todo balibad, nga dili kini tinuod! Usab ang CPA management nangayog dispensa ni Leni tungod sa gihimo sa ilahang piloto.

Gisaway sa daghang netizen ang CPA management. Ilabi na niadtong nakasunod sa mga drama ni Leni. Sila, wala nay salig ni Leni.

Apan si kinsa ba kanila ang misulti sa tinuod: Leni’s VP office, o piloto?

Matag airport adunay Air traffic control tower (ATCT), tigrekord sa matag flight sa tanang ayroplano, ilabi na sa mga emergency ug diversion flights. Makita kini sa ilang file. Usab, tanang pasaherong nakasakay, makasugilon unsay tinuoray’ng nahitabo.

Silay makapruyba: ‘Nga dili gyod matakpan sa bakak ang tinuod!’