^

Banat Opinyon

EDITORYAL - Tagotago nga e-sabong padayon

Ian B. Melecio - Banat

Bisan gipahunong na ni Pres. Duterte ang online sabong o e-sabong, duna pa gihapoy mga ilegal nga nag-operate niini, apan ning tungora, patago-tago na ang nagpasiugda.

Kaning patago-tago nga online sabong anha na gihimo sa mga pribadong mga balay. Walay kisaw, walay saba ug wala na ipakita ang dagway sa mga kuyme o uban pang mga namusta.

Apan sama ra gihapon ang paagi sa gipahunong nga online sabong. Si Duterte mimando sa paghunong niini tungod matud pa dili maayong panag-ingnan sa katawhan.

Daghan na kaayo ang nagumo niini ug nangaguba nga pamilya. Dunay mga propesyonal nga nangalubong sa utang tungod niini.

Gawas pa, duna say imbestigasyon ang kapolisan ug Senado mahitungod sa mga na-missing nga sabungero hangtud karon.

Kaning online sabong nga gerilya ang pamaagi o patagotago maoy lisud i-regulate. Dili sama sa legal nga online sabong nga ubos sa PAGCOR, nagkolekta og buhis ang gobiyerno.

Apan kaning ilegal nga online sabong karon gawas nga lisod i-regulate kay wala mailhi kinsay nagpadagan, wala say kitaon ang gobiyerno gikan sa mga operators.

Mura sab ni og ilegal swertres o ilegal numbers game nga mga illegal gambling lords maoy nagpadagan. Way makolektang buhis ang gobiyerno.

Maong lisod silang monitoron kini tungod kay wala namay plastadang online betting stations, mahimo nalang man nga sa cellphone nga konektado sa internet ug dunay online cash transactions nga apps makapusta na ang mga sugarol.

Bugtong epektibong mahimo sa kapolisan batok aning ilegal online sabong mao ang pagdangop sa mga tagiya o nagdumala aning mga websites o social media platforms sama sa Facebook nga bawalan kini sa ilang domain.

E-SABONG

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with