^

Banat Opinyon

Naay laing miangkon sa yuta

LEGAL CORNER - Atty. Divine Flores - Banat

Dear Atty. Divine,

Duna koy pangutana labot sa yuta nga among gipuy-an. Kining yutaa gipanag-iya kini sa akong iyaan nga atua na magpuyo sa US. Gawas kanako, anaa sab magpuyo sa maong yuta ang akong mga ginikanan ug mga igsuon ug ang akong iyaan mismo ang mitanyag kanamo sa pagtukod og balay sa iyang property. Sa akong nahibaw-an attorney, titulado kining yutaa ug nakapangan sa akong iyaan. Apan karong bag-o kalit lang kami nga gipatawag sa barangay sa laing claimant kay iya daw ming papahawaon kay siya daw ang tag-iya sa maong yuta ug gani iya ming gipakita sa iyang titulo. Nahibung ko atty. kun nganong nakakuha siya og titulo sa maong property nga dugay na man kini nga gipanag-iya sa akong iyaan. Mamahimo ba nga akoy mopasaka og kaso sa korte aron ipa-cancel ang titulo nga gikuptan sa laing claimant? Daghang salamat. — Leo

* * *

Dear Leo,

Kun ikaw ang mopasaka og kaso sa korte aron ipa-cancel or ipa- annul ang titulo nga gikuptan sa laing claimant sa yuta sa imong iyaan hayan ma dismiss ang imong kaso tungod kay dili man ikaw ang real party in interest. Basi sa Section 2, Rule 3 sa atong 1997 Revised Rules of Court, kini nagkanayon: “the party who stands to be benefited or injured by the judgement in the suit, or the party entitled to the avails of the suit. Unless otherwise authorized by law or these Rules, every action must be prosecuted or defended in the name of the real party in interest.” Sa ato pa, ang imong iyaan isip tag-iya, siya ang dapat mopasaka og kaso aron ipa annul or ipa cancel ang titulo sa laing claimant. Ang maayo nimong buhaton mao ang pagpangayo og Special Power of Attorney kon SPA sa imong iyaan aron ikaw ang morepresentar kaniya sa pagpasaka og kaso ngadto sa korte. Mas maayo sab nga mangayo ka og certified true copy sa title sa maong property sa  Register of Deeds aron imong masuta kon kinsa ang registesred owner  sa yuta.  Kinahanglan nga imong andamon ang tanang dokumento nga mopamatuod nga ang imong iyaan ang matuod nga tag-iya sa maong luna og dili ang mitumaw karon nga claimant. Thank you and God Bless! — Atty. Divine

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.

PROPERTY

Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with