^

Banat Opinyon

Kamahigalaon nakapadaug

JAV BANATI - Javier Yntig Tapulado - Banat

Alegre ang politika. Kon ikaw lumansaray pagka mayor, pagbantay sa imong lihok. Kay tanang porma sa imong anino gibantayan sa mga kaatbang. Ultimong baho nga mohungaw sa imong sampot, usahay kuninitan ug ipanabi!

Okay ra unta, kon kini dili pasobrahan o pakulangan og istorya diha sa pagpasapasa og mga komentariyo, diin ang tinuod nga hitabo masapawan og bakak nga makapahugaw sa imong pagka ikaw.

Apan kanus-a ba malipayong nag-inagbayay ug nagsawo sa pagpangaon ang magkaatbang nga politiko panahon sa ilang pagpangampanya?

Kanus-a ba nahimong bugnawng ilimnon ang nagbukal nga tubig sa kawa sa politika?

Dinhi sa ato, ako saludo! Mibutobuto man tuod ang nagpakapakang isyu gikan sa nag-asoasong baba sa masig ka habig, pero nagpabiling kalmado ang tanang milansar sa pagka mayor. Walay usa nga mikablit og armas. Iya-iya rag diskarte unsaon nga sila mapaduol sa kasingkasing sa tanang botante.

Nalingaw ko sa estratihiya ni Mayor Mike Rama. Human sa bagyong Odette, wala dayon mahipos ang naglaundok nga basura ug mga nangatumbang kahoy.

Daghang mibatikos niya.

Mosaka bitaw siya sa punoan ug miposing-nagpakodak samtang nagabas sa sanga, puwerting lingolingo sa mga kaatbang, uy!

Gumikan niini, ang hangin didto mopabor sa iyang kontra, Mom Margot Osmeña. Apan dihang nasaksihan sa kinabag-ang botante nga ang gisuportahan sa BOPK dili ang BBM-SARA tandem, diin sa ilang pagpangampanya, pirmeng gidaot ang mga Marcos ug Duterte, haskang dalia nakakambiyo sa mga Sugboanon. Samot na, dihang giisa-endorso ni BBM ug Inday Sara ang mga kamot ni Mike.

Mga taga Camp Lapulapu, Lahug, kansang luna dugay nang gipuy-an sa retired militaries and officials’ families, misugid nga nahadlok silang mawad-an og kapuy-an kon si Mom Osmeña maoy modaog kay panahon ni Tommy hapit kuno kini mabaligya. Istrikto kuno ang mga Osmeña. Kon unsay nakab-ot nga hukom dili na mabawog.

Lahi ni Mike nga sobra ka mahigalaon ug kaantigo maminaw-motabang pagsulbad sa ilang suliran.

Sa barbekiyuhan sa Talamban, mga sabongero nalipay nga si Rama ang midaog. Kay gaan kunog buot ug hingamigo sa tanan. Nahisgotan nila ang ngalan ni Rico, tag-iya sa Rico Lechon restaurant, kinsa puwerte kunong pangampaniya aron lamang si Mike ang magpabiling Cebu City mayor. Dinhi gimatuod, unsa kagamhanan ang kamahigalaon!

MARGOT OSMEñA

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with