^

Banat Opinyon

EDITORYAL - Sa ROTC ra ba makat-onan ang patriyotismo?

Ian B. Melecio - Banat
EDITORYAL - Sa ROTC ra ba makat-onan ang patriyotismo?

Nag trending sa social media ang estorya bahin sa Reserve Officer Training Corps (ROTC) nga planong pangusgan sa bag-ong administrasyon.

Nabantayan sa mga post nga dunay mga kabataang padung pa mag kolehiyo nga di gusto, ug kadtong produkto sa National Service Training Program (NSTP) nga alternatibo sa ROTC.

Kadaghanan sa mga nikomento nga gusto sa ROTC mao kadtong mga nakahuman na og ROTC.

Dili ikalalis, ang ROTC maoy tinubdan sa Pilipinas og reserbang pwersa para makatabang kun dunay emerhensiya natural man o ginama sa tawo nga katalagman o ba kaha giyera. Apan mao sab ang NSTP pinaagi sa pag-volunteer.

Ang kurapsyon ug hazing maoy hinungdan nga gilimitahan nalang ang mga kursong kinahanglang mandatory ang ROTC. Gipuno ang NSTP nga nakatutok sa socio-civic trainings sa mga komunidad.

Managlahi ang direksyon ug trainings sa ROTC ug NSTP apan parehas og tumong, nga ang kabataan makat-on pagmahal sa nasud.

Sukwahi sa NSTP, ang mga produkto sa ROTC awtomatikong mamahimong reservists sa tulo ka major services sa Armed Forces of the Philippines, ang Philippine Army, Philippine Air Force ug ang Philippine Navy.

Apan dili husto nga ingnon nga nikubos ang disiplina ug pagmahal sa mga kabataang Pilipino tungod kay dili na mandatory ang ROTC.

Daghang mga produkto sa NSTP nga karon mga malambuon, respetado ug napuslan na sa katilingban.

Gani ang uban nahimo pang sundalo ug polis kay gradwado sila sa kursong di kinahanglang ROTC ilang kuhaon kaniadto.

Kun ibalik ang ROTC siguraduhon nga dili na mausab ang mga hinungdan nganong wala kini gi-mandatory sa kolehiyo kaniadto.

ROTC

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with