^

Banat Opinyon

Midaug si Marcos sa rematch

AMBOT LANG - Gerry Auxilio - Banat

Sa una nga panagharong nila ni Senador Bongbong Marcos ug Kongresista Leni Robredo sa posisyon sa pagka bise presidente sa nasud, gibuntog ni Leni Robredo si Bongbong Marcos Jr.

Ang duha nagharong pagbalik alang na sa posisyon sa pagka presidente sa nasud. Apan ning higayona nakabawos si kanhi senador Bongbong Marcos Jr. sa bise presidente na nga si Robredo.

Basi sa pasiunang resulta nga natala sa National Board of Canvassing, si Marcos nakakuha og 30, 934,060 ka botos samtang ang uban nga kandidato nakakuha niining mosunod nga mga boto: Robredo (14,747,023), Manny Pacquiao (3,612,621), Isko Moreno (1,876,278), Ping Lacson (878,767), Faisal Mongondato (248,429), Ernie Abella (112,741),Leody De Guzman (91, 683), Norberto Gonzales (88, 517).

Kun imong sumadahon ang mga boto nga nakuha sa laing walo ka mga kandidato sa pagka presidente nga napildi sa election aduna silay 21,656, 059 ka mga botos samtang si Marcos nakakuha og 30,934,060 ka mga botos. Bisan pasiuna pa lamang kining maong resulta apan dili na maapsan ang labaw ni Marcos.

Tungod niini makonsiderar nga majority nga Presidente si Bongbong Marcos. Buot ipasabot, mas daghan ang mga botante nga nakauyon ni Bongbong, dili sama ni Presidente Duterte nga bisan pa og nakakuha siya og 22 milyones botos apan makonsiderar siya nga minority president tungod kay kun tipunon ang tanang botos nga nakuha sa tanang kandidato sa pagka presidente nga iyang gipildi mas daghan kini kun itandi sa 22 milyones ka botos nga nakuha ni President Duterte.

 Usa lang ka presidente ang makonsiderar nga majority president human sa makasaysayanon  nga Edsa, si Joseph Ejercito Estrada ra nga midaug sa 1998 presidential election.

Apan sa resulta sa election niadtong Lunes, may misunod na ni Erap og siya si Bongbong Marcos.

BONGBONG MARCOS

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with