^

Banat Opinyon

Pait pa's panyawan

BALITAHOM - Atty. Jose Marie N. Poblete - Banat

Sa pamahayag ni Professor Walden Bello, gimakmak niini si Bongbong Marcos sa pag-ingon nga ang umaabot nga administrasyon mag-atubang og “unom ka tuig nga instability tungod kay aduna kuno’y dakong hut-ong sa katilingban nga dili mouyon nga dumalaon og “pamilya sa mga kawatan”.  Senyales ba kini sa kapait sa kapildihan nga gibati ni Prof. Bello? Kon aduna pa’y lasa ang iyang mga pulong-pagmakmak, hayan matagamtam ang kapait niini sama sa panyawan.  Aduna’y mga tawo nga sama sa panganod nga kon mahanaw o mapalid, nagkahulogan sa usa ka maanyag ug maanindot nga adlaw.  Baya no!

Timbangon inay ihapon

Giangkon sa COMELEC Central Visayas nga adunay vote buying atol sa eleksyon base sa mga napatik sa social media.  Andam ang COMELEC mopasaka’g kaso batok sa malapason apan maglisod kuno sila kay wala’y testigo nga mitumaw. Subô palandungon apan aduna gayo’y vote-buying matag eleksyon. Bisan ipanghimakak kini sa matag kandidato, sayod ang katawhan ug ang COMELEC nga gibuhat kini.  May punto ang pagya nga “ang boto mao’y bugtong baligya nga dili magkinahangla’g business permit”.  Haum ang sugyot nga, “Sa kakuyanap sa vote-buying, inay iphon ang boto, timbangon na lang kini”.  Madahaaan!

Imong basura, imo’ng kargada

Mihangyo ang hepe sa DPS sa dakbayan sa Sugbo nga si Atty. Jigo Dacua sa mga kandidato sa ni-aging piniliay, mananaug man o naparot, nga motabang pagpanglimpyo ug pagpanangtang sa ilang campaign posters ug mga sample ballots.  Mahimong makadawat ang katawhan sa kahugaw sa mga posters ug sample ballots nga nagkatag sa nagdulong pa ang piniliay, apan dili ikalimod ang kalaksot nini human sa eleksyon.  Ginaingon nga “Cleanliness is next to Godliness”, apan kon ugaling walay Ginoo ang kasingkasing ug galamhan sa kandidato, labaw na gyud nato’ng kinahanglan ang pagkalimpyado.  Fezteleern!

Tiwason ang nasugdan

Mapanunod sa umaabot nga administrasyon ang 88 ka dagkong proyekto nga nasugdan pag-implementar ubos sa Build, Build, Build Program ni Presidente Duterte. Tuyô nga mapadayon ang nasugdan nga mga proyekto kon buot nato nga maka-ambas sa imprastruktura sa ubang nasud.  Laksot sa polisiya nga paghikling sa mga proyekto nga nasugdan sa naha-una’ng administrasyon sama sa nahitabo sa Bataan Nuclear Power Plant.  Angayan tamdan ang linya sa salida nga nagkanayon, “Umpisahan mo, Tatapusin ko”.  Makapahinumdum sa pagya sa magtiayon nga, “Ayaw tabuni kay akong balikon”.  Pagkatoytoy!

Senyales sa global warming

Gibanâbanâ nga sa umaabot nga lima ka tuig, maghinayhinay usab pagpaduol ang kalibutan sa limit o threshold sa ka-initon ug magsugod kini sa tuig 2026.  Tungod nini, mahimong makasinati kita og hataas nga pag-huwaw. Samtang daghan ang na-alarma mahitungod sa global warming, daghan usab ang nag-ingon nga usa kini ka dakong pag-pangilad.  Apan kon atong basehan ang gidak-on sa underwear sa mga babaye kaniadto, diin moabot pa kini sa tuhod, ug sa karon, diin migamay na kini pag-ayo kay nauso na ang bikini ug ang T-back, maka-ingon kita nga nagka-alimuot na gyud ang kalibutan.  Fishkots!

BONGBONG MARCOS

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with