^

Banat Opinyon

Masakiton nga empliyado

LEGAL CORNER - Atty. Divine Flores - Banat

Dear Atty. Divine,

Ang akong igsuon nagtrabaho sa usa ka kompaniya sud na sa tulo na ka tuig. Apan karong bag-o, kanunay nga maka absent ang akong igsuon tungod sa iyang problema sa health. Mi file siya og sick leave apan matud sa iyang HR nga kun magsige pa gihapon og absent ang akong igsuon after sa iyang mga sick leave, basin daw mapugos sila sa pag-terminate niini for health reasons. Ang akong pangutana, pwede ba  siya nga taktakon sa trabaho tungod sa iyang problema sa panglawas? Daghang salamat. — Grace

* * *

Dear Grace,

Basi sa balaod, ang employer mamahimong mo-terminate sa empliyado sa iyang trabaho tungod sa sakit niini apan kinahanglan nga adunay proof ang employer nga ang sakit sa iyang empliyado dili na madala og tambal sud sa unom ka buwan ug kun magpadayon ang empliyado sa iyang trabaho hayan makapasamot kini sa iyang  sakit ug  mameligro sab nga matakdan ang  iyang mga kaubanan. Kinahanglan sab nga nga mokuha og Certification sa usa ka government doctor ang employer nga mopamatuod nga wa nay kaayuhan ang sakit sa empleyado o dili kini madala og tambal sud sa unom ka buwan. Kun makatuman ang employer sa maong rekisitos then pwede taktakon ang empliyado apan kinahanglan gihapon ka nga moagi sa proseso pinaagi sa paghatag og written notice sa empliyado labot sa planong pagtaktak kaniya gumikan sa iyang sakit aron sab paghatag og higayon sa empliyado nga makatubag niini. Apan kun ang sakit sa imong igsuon matambalan ra sud sa unom ka buwan, dili siya mahimong taktakon kondili igo lang siyang hatagan og leave of absence aron siya makapatambal ug dapat dawaton siya pagbalik sa kompaniya kun mamaayo na. Thank you and God Bless! — Atty. Divine

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.

EMPLOYEE

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with