^

Banat Opinyon

EDITORYAL - Sugdan na ang pag-alim

Ian B. Melecio - Banat

Pila ka adlaw nalang duna na unyay bag-ong mangulo sa Pilipinas aron modala sa timon ug sa layag niini ngadto sa unahan.

Kini human sa 90 ka adlaw nga subsob nga pangampanya sa mga nagkalain-laing mga kandidato sa nasudnon ug sa lokal nga posisyon.

Ang eleksiyon ning tuiga nagpakita sa daghang bag-o sa kasaysayan sa Pilipinas. Nakita gikan sa mga supporters ang lunod-patay nilang suporta samtang duna say uban nga nikalit og bali sa dihang nagatubang na sila sa balota.

Kung si kinsa man ang makadaog karong eleksyon, magatubang kini og dako ug bug-at nga suliran.

Ang economic recovery human sa duha ka tuig nga pandemiya, seguridad sa nasud sa sulod ug sa gawas, pagtuman sa mga gipanaad ilabi na para sa mga kabus nga sila aswaton pataas, pagpabilin sa pagsalig sa mga negosyante sa lokal o mga banyagang investors, pagdani og daghan pang investors nga mamuhonan dinhi.

Dili kining tanan madali-dali og sulbad sa mosunod nga presidente. Mao ni rason nganong unom ka tuig sila molingkod.Para sa mga tawo mubo lamang kaayo ang unom ka tuig para sa maayong pangulo; apan taas kaayo kini nga pag-antos sa katawhan kun walay ayo ang naglingkod nga lider.

Isalig ngadto sa mga mananaog ang mga tahas nga para sa kaayohan sa katawhan, apan kinahanglang sawayon ug badlungon sila kun wala sila mohimo sa husto ug kun dili na pinasubay sa balaod ang ilang gibuhat.

Apan mas madali ang tanan kun human sa eleksyon hinayhinay ng magkauliay ang mga tawo nga managlahi og gisuportahang kandidato. Maghiusa pagsalig sa mga napiling mga lider.

Kun nibotar nga pinasubay sa gidiktar sa konsensiya, mao usab unta kini buhaton sa mga supporters bisan kun pananglitan naparot ilang kandidato. Dawaton kini subay sa konsensiya tungod ug alang sa kabataan.

Wala magkinahanglan ang Pilipinas og pagkabahin-bahin sa mga Pilipino karon, tungod kay moresulta kini sa kagubot ug ang maalaot mao ang mga kabataan karon. Panahon karon sa tanan nga maghiusa ug suportahan kun si kinsa man ang mapiling sunod nga pangulo ug mga opisyales sa gobiyerno.

2022 ELECTION

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with