^

Banat Opinyon

Thank God, it’s over

IYO ANTOY - Antolin dela Serna - Banat

Makapadayon na kita pag-uswag ngadto sa unahan. Ipadaplin lang una nato ang politika, kana kon ato kining mahimo.

Ang ato ra bang nasinati mao nga first day tapus sa usa ka piniliay, ang atong mga politiko, nakadaug o napilde, magsugod dayon pagplano alang sa mosunod nga eleksiyon.

Sa nangapilde moingon dayon sila nga: “This is only a temporary setback.”

Ingon kita niini pagka-ungo sa politika, diin ang uban kanila, ilabina sa nakadaug, maghunahuna dayon unsay ilang lansaran sa sunod eleksiyon.

Karon, makapahuway na kita gikan sa mga fake news, disinformation, ug mahait nga mga pulong. Mag-amigo na kitang tanan. Hinaut nga ang atong madunggan, gikan karong adlawa, pulos na tinuod.

Atong balihon ang giingon nga ‘lies travel faster than the truth,’ ngadto sa ‘truth travels faster than lies,’ in fact, pulos na lang gyud truth ang atong tugotan pagpa-travel. Pahuway una kita gikan sa pagpangilad ug pagpamakak. Kapoy na!

Sa akong pagsulat niini, nagadayon pa ang botasyon. Dili pa kita makaseguro kinsa ang mga mananaug. Apan, whatever, we thank God that it’s all over now.

Duna nay mga ginagmay nga exit polls, apan, dili kini kasaligan. Mahulog lamang kini nga tag-an-tag-an lang.

Sabado sa gabii, panahon sa pagkinamangay, last day sa pangampanya. Usa na kini kabahin sa election process sa atong nasud. Matud nila, wala man kuno sa atong Konstitusyon nga nagdili sa kinamangay.

Adunay misugilon nga daghan kono ang nangamang sa ilang panimalay ... ang problema kay mga hulmigas ang nangaman, namaak pa gyud. 

Sa atong pagsulat niini, generally, atong maisip nga peaceful ang botasyon, at least, sa dakbayan sa Sugbo.

Although atong nakita nga daku og kulang ang mga voting rooms. Sa Guadalupe, pananglitan, ang labing daku nga barangay sa dakbayan, puno ang mga classrooms ug taas kaayo ang mga linya.

Arang-arang ang mga senior citizens, tungod kay gihatagan man og priority, busa, in my case, wala madugay ang akong pagbotar. Mga one hour and a half da.

Apan, adunay misugilon nga balig upat ka oras iyang paglinya, lakip na ang linya gawas sa premises sa tunghaan. Kining tag-as kaayo nga mga linya, naghulagway sa kakulang sa mga presinto, ug labmit mao usab kini ang hulagway sa tibuok nasud.

Hinaut nga sa sunod nga mga eleksiyon, hatagan kini’g pagtagad sa gobiyerno. Dili kay hatagan lang sa mga pagtagad, kundili, lihukon gyud ang solusyon ning maong kahimtang, ug dili maghuwat sa sunod eleksyion.

Walay mga untoward incident, so far, sumala sa mga taho sa mga estasyon sa radyo nga nag- cover sa botasyon.

Sa brighter side, kining pagdagsa sa mga botante, naghulagway kini sa kaikag ug kadasig sa mga botante pag-exercise sa katungod pagpili. Ang 2022 elections gipaabot nga maoy labing taas nga percentage o turnout sa botasyon. 

Gikan sa kaulohan, ania kining early report sa Internet: “Voting was underway in the Philippines Monday to elect a new president. Polls opened at 6:00 a.m., AFP reporters said. Voting was to continue until 7:00 p.m. Ten candidates are vying to succeed President Rodrigo Duterte. Turnout is expected to be high among the more than 65 million Filipinos eligible to vote in elections.”

2022 ELECTION

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with