Amahan nagdumili pagsuporta sa bata

Dear Atty. Divine,

Duna koy pangutana labot sa amahan sa akong anak nga wa magsuporta sa akong anak. Dili mi kasal ug nagbuwag mi last year human nako siya masakpi nga aduna siyay laing babaye. Ang bata naa nako 3-anyos na. Kaniadto, mohatag siya og suporta sa bata apan dili sab kanunay. Karon akong nahibaw-an nga mibalhin siya og trabaho ug sa dihang ako kining gitawgan aron unta pangayoan og suporta wa niya tubaga ang akong tawag. Hapit na mo eskwela ang akong anak attorney og gusto unta nako nga mohatag siya og regular nga financial assistance sa bata aron makuha-kuhaan sab ang akong financial problems. Unsay angayan nako nga buhaton? Daghang salamat. — Rosario

* * *

Dear Rosario,

Ang una nimo nga buhaton mao ang pagpadala kaniya og Demand Letter  gikan sa abogado alang sa imong pangayuon nga sustento. Kun dili gihapon siya motubag sa demand letter. Mamahimo nga magpatabang ka sa barangay diin siya nagpuyo aron siya ipatawag. Kun di siya motunga sa barangay or dili gihapon siya mohatag og sustento, mamahimo nga imo siyang pasakaan og kaso ngadto sa korte. Mamahimo ka nga mopasaka og kasong criminal basi sa Republic Act 9262 kon Anti-Violence Against Women and their Children kay ang pagdumili niya sa pagsustento sa imong anak, usa ka kalapasan sa maong balaod og usa kini ka criminal offense ug mamahimo siyang mapriso kun mapamatud-an. Mamahimo sab ka nga mopasaka ka og kasong Civil alang sa pagpangayo lang og suporta sa bata ug ang korte na ang mopatawag kaniya og momando kaniya sa paghatag og ayuda ilabi na kon gi acknowledge niya ang bata. Thank you and God Bless!

Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.