Angay ikapisagardo

Dungan sa paghandum sa Kadaugan sa Mactan, gisubhan usab ang ikatulong taytayan tali sa mainland Cebu ug lungsod sa Cordova, nga giila ug gibantog nga nga labing taas (length) ug labing matahom nga taytayan sa nasud.

Angay kining ikapasegarbo natong mga Sugbuanon, ug magpasalamat kita sa ‘Build, Build, Build’ project sa Duterte administration ... nga dinhi gayud sa Sugbo ibutang ang maong giisip nga “modern victory of engineering and construction.” 

Alang kanatong mga senior citizens, bulahan kaayo kita nga natukod kini sa ato pang panahon, at least nakaabot kita ug nakasaksi niining kasaysayanon nga kaugmaran sa Sugbo.

Gitrabaho sulod sa lima ka tuig, nga sa pagplano pa niini, before sa groundbreaking niadtong 2017, alang kanatong mga senior citizens, usa lamang kini ka damgo.

Sama niadtong laraw ni Serging Osmeña pagtukod og taytayan tali sa mainland Cebu og Isla sa Mactan, alang kanamong mga Oponganon ( Iwas I think was 10 years old at that time), usa lamang kadto ka damgo.

Karon, tapus sa CCLEX, magtukod na usab kuno og laing taytayan (ikaupat) nga kon wa ko masayop adto na hugpa sa may Punta Engaño gikan sa mainland Cebu. Atong mapaabot ang kusog nga paglambo sa Lapu-Lapu City.

Kahinumdon sad ko nga sa pagplano ni Serging pagbalhin sa Lahug airport ngadto sa Opon, iyang nalantawan nga sa ngadto-ngadto mahimo dang free port ang Isla sa Mactan sama sa Hong Kong.

Ang mga taytayan usa ka dakung ingrediente nga makapatuman niining maong mga damgo alang sa Isla sa Mactan. Mao bitaw nga mangita ko’g mga kahigayonan nga makabalik ko sa Opon. 

Ang Cebu-Cordova bridge (8.9 kilometers) maoy unang toll road project sa Metro Pacific Tollways Corporation (MPTC) gawas sa Luzon. Matud pa: “Created to last a century, CCLEX has a design speed of 80 kilometers per hour (kph) and a navigational clearance or height of 51 meters to allow large vessels to pass underneath.”

Usa ka Public-Private Partnership  (PPP) program, si  Manny Pangilinan, chairman sa MPTC mapasigarbohon nga nagkanayon: “We are happy and honored to have come to this point, opening the biggest infrastructure project in this part of the country. We thank President Duterte for honoring us by being part of this historic event.

“Today, we mark a different milestone, a modern victory not of arms but of engineering and construction that gave us such a beautiful structure that has now become an icon of Cebu.”

Ang presidente ug Chief Executive Officer (CEO) sa MTCP,  si Rodrigo Franco, namahayag nga despite sa pandemic ug sa bagyong Odette, nakompleto gayud nila ang proyekto, nga dakung matampo sa ekonomikanhong kaugmaran dinhi sa southern Philippines.

Matud pa:  “CCLEX is seen as a symbol of strength and might of the Cebuanos who are able to weather the storm of the COVID-19 pandemic, and even the wrath of Typhoon Odette.” Tinuod, gawas sa mga kakulian, kitang mga Sugbuanon, nakatmpo og daku pagpalampos niining maong proyekto, diin atong gisagubang ang makapatay nga virus, ug kabangis sa bagyong Odette.

Matud ni Mayor Mike Rama: “We are back, the impact on this is beyond approximation.” Tinuod kaayo, Mayor.