^

Banat Opinyon

EDITORYAL - Ang CCLEX ug ang traffic

Ian B. Melecio - Banat
EDITORYAL - Ang CCLEX ug ang traffic

Haum kaayo ang pagbukas sa Cebu-Cordova Express Link (CCLEX) kagahapong adlawa nga natumong sab sa komemorasyon sa Kadaugan sa Mactan.

Haum tungod kay miagi og kalisdanan ang pagtukod sa maong taytayan gumikan sa mga restriksyon dala sa pandemiya sa coronavirus.

Apan sama sa gihimo ni Datu Lapulapu, madaugon gihapon ang mga nagtrabaho sa maong taytayan bisan sa kalisdanang dala sa Covid-19.

Ang CCLEX dunay gitas-on nga 8.5 kilometro nga maoy kinatas-ang taytayan nga natukod dinhi sa Sugbu. Nagkonektar kini sa Cebu City ug sa lungsod sa Cordova.

Pinaagi niini, mapamubo na ang biyahe gikan sa habagatang bahin sa Sugbu padung sa Mactan Island. Gihulagway kini sa mga opisyales sa Sugbu nga makatabang sa paglambo pa gyud sa isla.

Ang CCLEX makapaluag sab og gamay sa traffic nga nasinati karon sa Mandaue City kun diin manukad ang duha ka mga taytayan nga nagkonektar sab sa Mactan Island.

Kadtong mga sakyanan nga gikan sa Cebu City o bisan ang gikan sa south nga padung sa Mactan, mahimong anha na moagi ug dili na manukad pa sa Mandaue City.

Sa samang paagi, kadtong gikan sa Mactan Island nga padung sa Cebu City ug sa south mahimo nang moagi sa CCLEX. Mas madali pa ilang biyahe tungod kay dili naman masangit sa traffic sa Mandaue City.

Sa samang paagi, makapaabot sab ang mga naa sa south district sa Cebu City ingon man sa lungsod sa Cordova nga mograbe gyud ang traffic sa ilang mga dalan tungod sa pagdagsa na unya sa mga sakyanang magtabok-tabok sa CCLEX.

Kini maoy kinahanglang paspasan pagsulbad sa nasudnon ug local nga pangamhanan, sugdan na dayon og plano og malungtarong solusyon mentras dili pa tanto grabe ang traffic sa Mactan Island ilabi na nga pwerteng gagmaya sa ilang mga karsada.

Ang CCLEX mapuno sa mga maanindot ng mga talan-awon dinhi sa Sugbu, apan wala kini tukora aron lang tan-awon kondili aron gamiton, busa kinahanglan nga pangandaman sab ang negatibong masugatang problema unya tungod sa traffic sa Cordova ug sa south district sa Cebu City.

CCLEX

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with