^

Banat Opinyon

Reklamasyon batok tubig

AMBOT LANG - Gerry Auxilio - Banat

Gimando ni Presidente Rodrigo Roa Duterte ang pagkanselar sa tanan nga reklamasyon nga proyekto lukop nasud tungod sa isyu sa korapsyon. Ang Presidente sa iyang kamandoan mibulgar pa nga aduna na siyay sakop sa gabinete nga iyang gitangtang tungod sa korapsyon may kalambigitan sa reklamasyon nga proyekto.

Ang lungsod sa Pilar sa isla sa Camotes nagpagawas og Resolution No. 028-2022 niadtong Enero 28, 2022 nga aprobado ni Mayor Manuel “Winkey” Santiago nga nagbalhin sa kantidad nga duha ka milyon ka pesos nga para sa paghuman sa Reverse Osmosis nga proyekto nga gisugdan sa panahon sa administrasyon ni kanhi Mayor Dodong Maratas ug Bise Mayor Inday Sara Borinaga ngadto na sa reklamasyon nga proyekto sa kasamtangang administrasyon.

Ang Reverse Osmosis usa ka proceso sa puripikasyon nga naggamit or partially permeable membrane aron malain ang ions, wala kinahanglana nga molecules o contaminants gikan sa tubig nga mainom.

Usa sa nag-una nga suliran sa lungsod sa Pilar, Camotes mao ang tubig ilabi na sa Barangay Upper, Lower ug Villahermosa nga maglisod gayod sa pag-abot ang tubig hinungdan nga giuna gayod sa kanhi administrasyon ang Water System sa Sitio Guiwanon.

Apan ang gigahin nga pundo alang niini nga duha ka milyon ka pesos gilikwa ngadto sa reklamasyon nga proyekto nga wala man gani seguro pagtugot gikan sa Philippine Reclamation Authority (PRA) ug wala pod seguro kini Environmental Compliance Certificate gikan sa Department of Environment and Natural Resources (DENR).

Sakto ug tukma gayod ang nahimong hukom ni Presidente Duterte nga mipahunong sa tanan nga reklamasyon nga proyekto apil na niini ang sa lungsod sa Pilar sa isla sa Camotes nga mas mao pay gipalabi sa administrasyon ni Mayor Winkey Santiago kay sa panginahanglan nga tubig sa iyang katawhan nga gipang uhaw.

RODRIGO ROA DUTERTE

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with