^

Banat Opinyon

Pakyas nga panumpa

BALITAHOM - Atty. Jose Marie N. Poblete - Banat

Maud sa NEDA, kinahanglan nga palambuon ang social protection system sa Pilipinas alang sa mg migrant workers tungod kay ang kasamtangang sistema wala mapadangat ug dili makiangayon sa daghang mga Pinoy OFWs. Mahinungdanon nga mapanalipdan ang katungod ug mapalambo ang kaayohan ug oportunidad sa mga OFWs. Daghan na’ng mga gi-ulog-ulog sa kagamhanan ngadto sa mga OFW apan sagad nagpabilin nga saad lamang.  Matud pa sa panahom, “Walay hinungdan’g pasalig lang ang gihimo sa kagamhanan, pulos lang saad ug paghatag og sayop nga paglaum…apan wala’y tataw nga plano alang sa kalambuan sa mga OFW”.  Fezteleern!

Sayon mag-politiko

Miapelar si Harry Roque sa katawhan nga dili pilion kadto’ng kandidato nga mahimo lang unya nga miyembro sa “Committee on Silence” sa senado.  Awhag ni Roque nga angayan pilion kadtong kandidato nga maantigo mopanday og balaod.  Maanindot unta ang tumong ni Roque apan dili garantiya ang pagka-bright sa tawo nga mahimo siyang maayong senador tungod sa politikanho’ng sistema sa nasud.  Ginaingon bitaw nga dinhi sa Pilipinas, sayon ra ang mag-politiko: “Magpakaaron-ingnon ka lang nga nasayod ka sa tanan bisan wala kay kabangkaagan”.  Madahaan!

“Repent your sin”

Nasikop sa CIDG ang usa ka magtutudlo nga nagpatuo nga miyembro sa NPA ug nanghulga nga bombahan ang mga buot biktimahon nga tulonghaan kon dili mohatag sa gipangayo niini nga 2 milyones nga kwarta.  Human madakpi, nagmahay ug nagbasol ang maong magtutudlo.  Walay sala nga magpabilin’g diyotay kon kanunayon pagbuhat, apan walay sala usab nga magpabilin’g dako human makapangayo’g pasaylo.  Makapahinumdom sa estorya sa taga-baryo nga human mosimba, misaka dayon sa atop, sa ilang balay bisan sa naglagiting nga kainit sa adlaw, dayon pintal sa ilang atop.  Matud pa niya, gituman lang niya ang sermon sa pari nga nag-ingon nga “Re-“paint” (repent) your sin”.  Pagkatoytoy!

Goons sa eleksiyon

Matud pa sa PNP Spokesperson nga si Police Colonel Jean Fajardo, mokabat sa 20 ka private armed groups (PAG) ang nabungkag na sa PNP.  Dugang pa ni Fajardo nga adunay mga politiko nga mikuha sa serbisyo sa mga armadong pundok aron magamit sa eleksiyon.  Kabahin ang armadong pundok sa gitawag nga triple “G” nga puhonan sa eleksiyon: ang Guns, Goons ug Gold.  Dula-pulong lang ang gipasiatab sa PNP.  Kay samtang aduna pa’y mga politiko nga mokuha sa ilang sebisyo, daw mga uhong usab kini’ng mga “goons” nga motumaw.  Talay is life!

Dili “one-way”

Gipahinumduman sa DSWD-7 ang mga politiko nga buot magpapili pag-usab nga dili mogamit sa mga programa, proyekto ug serbisyo sa ilang ahensiya alang sa pagpangampanya.  Tungod niini, mipagawas ang DSWD og Memorandum Circular nga naglatid sa mga lagda aron maatiman ang mga reklamo batok sa mga politiko nga mopahmulos sa programa sa DSWD.  Dili lamang ang politiko maoy angay pasidan-an.  Ang mga kawani mismo sa DSWD angayan usab pahimangno-an nga dili magpagamit sa mga politiko. Dili “one-way” kining maong oportunidad sa politiko.  Paleho la!

OFW

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with