^

Banat Opinyon

Uniteam supporters hingamigo

JAV BANATI - Javier Yntig Tapulado - Banat

Ning miugong balita, diin dunay mga bigtime businessman supporter ni presidential aspirant Leni Robredo, mibiya na, napugos ang hard core Pinklawans sa pagpahigayon og house-to-house ug store-to-store nga kampanya alang sa ilang pinanggang manok.

Ultimong mga anak ni Leni, mipasiugdag house-to-house Robredo for president campaign didto mismo sa ilang balwarte bisag ang mga balay nga ilang nasudlan pulos diay dumadadapig sa BBM-SARA Uniteam, diin sa kinasingkasing nga pagdawat, silang Robredo sisters, giabi-abi pag-ayo sa mga tagbalay sama sa usa ka espesyal nga bisita.

Mga unsay giyawit sa magsuon nga pabor sa ilang inahan? Gipaminaw sa tagbalay. Leni-Kiko posters nga gitunol? Gidawat! Mipahayag pa, nga magpabilin ang ilang pagkamahigalaon ngadto sa mga Robredo kay pareho ra sila, paisano ug puro Pilipino. Dili sila mao ilang kontra. Kondili, ang kahugaw sa politika!

Gani, pag-abot sa Robredo sisters sa tugkaran, gisugat man sila sa tagbalay og “Good morning.” Ug sa milakaw na ang managsuon, gipabawnan pag: “Ingat!”

Sa unang semana niining Abril, gisulong sab sa mga artistang Edu Manzano ug Cherry Pie Picache ang Tandang Sora Market, Quezon City, aron mag store-to-store Leni-Kiko campaign. May BBM-SARA diehard vlogger, kinsa nainteresadong misusi unsay gidagangatan niini? Busa, mituyo pag-adto sa tindero’g tindera nga gipangampanyahan nila ni Edu ug Cherry aron interbiyuhon.

Ug nasayran, nga dili na mausab ang hukom sa iyang gipang-interbiyu. Bisag unsa kunoy mahitabo, BBM-Sara gyoy ilang botaran. Unya, dihang gipangutana niya ang usa ka tindera kon nanghatag bag Leni-Kiko flyers si Edu?

Mapahiyomon kining mitubag nga: oo, iya kunong gidawat.

Busa, gusto sa vlogger nga makakita niini. Pero nagkatawang mitug-an ang tindera, nga iya na kining gilabay. Wala na gani tan-awa unsay likod niini? Kay dili siya intersado. Ug miklaro: solid BBM-SARA gyod siya. Pastilan, no?

Hinuon, dili tanang giduol ni Edu ug Cherry pulos BBM-SARA voters. Aduna poy Leni-Kiko. Ug may nahabilin pang mga semana ang hugtanayng pagpangampanya sa tanang Leni-Kiko supporters pagpadaghan pa sa ilang mga dumadapig. Diin, sa Mayo 9, 2022 ra mahibaw-an kon unsa ka epektibo kining gihimong house to house ug store to store nga pagpapangampanya ning mga artistang Pinklawan?

Atong atangan!

UNITEAM

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with
no session for state
no session for code
no session for id_token
no session for user