^

Banat Opinyon

EDITORYAL - Nag-away tungod sa politika

Banat
EDITORYAL - Nag-away tungod sa politika

Kaning eleksyon makapabahin-bahin gyud kanunay sa mga Pilipino. Bisan mga managsilingan, managhigala o bisan paryente nagbungol tungod aning politika. Kini tungod sa managlahi og gustong kandidato nga sa ilang mga tan-aw maoy angayan sa posisyon.

Ang hinungdan man gud niini mao ang pagka-garboso sa tawo. Garboso ngadto sa uban ug bahala og makasakit basta lang mapakita nga silay husto o maayong-laki. Sa laktod, walay respeto sa uban.

Dunay mga kaniadto suod nga managhigala apan managlahig og gustong kandidato ang nagkabikil na karon tungod kay pareho man silang palaaway ug manghilabot ug but-an ang uban.

Mangaway man sa mga supporters sa kandidato sa pikas ug wala damha naapil na ilang mga silingan ug suod. Kuwang ra gyud og respetohay sa usa’g-usa.

Mahimo mang ikampanya ang usa ka kandidato nga dili ipaagi sa pagpasakit sa uban. Kung gustohon gyud nga kombinsiron ang uban pagbotar sa kandidato, ipakita ang tanang mga maayong nahimo sa kandidato ug sa posible pa niyang mahimo para sa nasud.

Kana kun ang kandidato duna gyuy ikapakita isip pagmatuod. Kana pung ang tinubdan dili tikas, bakak, bulatik ug laway lang sa dila nga mga pulong.

Ipakita ug ipasabot sab ang ilang plataporma ngadto sa mga dili pa kombinsido o wala pay napilian nga kandidatong botaran. Kana kun ang plataporma dili imposibleng buhaton aron katuohan ug dili palabihan og bulak-bulak.

Dili lang sab ipaabot sa punto nga tawgon na og mga dautang pulong ang ubang botante kay dili kini maoy pamaagi aron makakuha og daghang supporters. Mao hinuon kini magtukmod sa uban aron dili pilion ang kandidatong gikampanya.

Ug usa pa, responsibilidad sa usa ka botanteng Pilipino ang kaugmaon sa iyang pamilya ug nasud. Busa kinahanglang makahibalo kini manukiduki ug manukitsukit pagkilatis sa matag kandidato kun angayan ba kining botaran.

Angay hinumdoman sa tanan nga ang eleksyon usa ra ka adlaw, mahimong managlahi og baruganan ang usa’g-usa apan dili kinahanglang mag-away.

POLITICS

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with