Isangyaw ang maayong balita

Pinasikad sa: Mk. 16;15-20

Duna toy usa ka higala nga akong gikaestorya. Among hilisgutan ang kasamtangang nahitabo karon sa atong nasud.

Matud pa niya ang atong nasud wala na gyud kunoy ugma gumikan sa mga panghitabo ug sa seemingly helpless situation matud pa niya.

Nganong helpless? Kini tungod kay bisan unsaon pa nato og paningkamot malisud gihapon kab-oton ang kalamboan ug daw idlas ang paglaum.

Wala dayon ko mitingog ug ako lang siyang gisud-ong inubanan ang daghan kaayong mga pangutana sulod sa akong hunahuna.

Pessimistic ra kaayo siya. Ug kun dili man gani pessimistic mamahimong siya ang pagaisipon natong submissive ra kaayo ngadto ni bisan kinsa nga giisip niyang gamhanan.

Apan kun buot hunahunaon dii maayo nga magpakawala sa paglaum labina gyud ning mga panahona karon.

Hello Kini tungod kay:

1. Angayan kitang magpakabuhi tungod ug alang sa atong mga kabataan ang mosunod nga mga henerasyon sa atong katilingban.

2. Dili maayo nga mamahimong taslakan sa mga panghudlat sa kinabuhi kinahanglan ang pagsukol labina gyud sa mga bully ning atong katilingban.

3. Daghan ang posibilidad sa kinabuhi ug sanglit daghan man mahinungdanon kaayo ang mapamalandungong pagpili.

4. May katungod ta ingon nga tawo apan sa laing bahin may katungdanan kita nga atong panalipdan ang katungod ug  kahan-ay sa atong nasudnong kahimtang.

5. Samtang buhi pa kita, anaa ang paglaum mao nga dili kita angayan nga mahadlok.

Ang maayong balita nga atong isangyaw dili kadtong bisan unsa nga makapaluya kanato kondili kadtong makapadasig kanato. Kini mao ang matuod nga balita nga kanato makapaluwas.