Mga bata, BBM mga baba  

Nagkaanam na’g kaduol ang adlaw sa lokal ug nasiyonal nga pinilay. Sa mga gipanghimong pre-election survey gikan sa nagkadaiyang grupo, mailhan kinsa ang pirmeng nag-una ug si kinsa usab ang anaa kanunay sa ulahi?

Apan bisan tuod og nagsugod na sa gawas sa atong nasud ang pagbinotaray sa atong Overseas Filipino Workers (OFW), wala pa ang aktuwal nga eleksiyon dinhi sa atoa. Sa Mayo 9 pa! Busa, dili angay mabalaka ang mga kandidatong nangiwit sa maong mga survey.

Hinunoa, himoon kining inspirasiyon sa pagpangitag epektibong paagi, diin makapruyba ngadto sa kinabag-ang botante, nga siyang mikandidato, sama ni Presidente Rodrigo Roa Duterte, kinsa bisag giunsa pa pagsaway-kontra sa mga kaaway sa politika, mopatigbabaw gayod sama sa halangdong bantayog ang mga maayo niyang binuhatan alang sa tanang katawhan.

Sa laktod, dili matakpan sa bakak ang matinud-anon niyang pagtuman sa unsay iyang gisaad niadtong pagpangampanya niya sa miaging eleksiyon. Kay kini iya gyong gibuhat.

Rason, nganong wala mous-os ang iyang performance rating.  Gani, tanang presidential aspirant nangandoy nga iyang i-endorso.

Ang mga OFW, kinsa nakatagamtan giunsa sila pagmahal ni Tatay Digong, nakagusto kaayo sa usa ka presidentiable nga base sa ilang pagpanghimbis, seguradong maoy mosumpay sa mga dalayegong buhat ug proyekto nga ibilin unya niini. Ug sila, solidong misuporta sa ilang gipili.

Makapahimuot! May batang nag-viral sa social media. Puwerting hilak samtang naa sulod sa ilang sakyanan. Nasuko kay gidawat sa iyang parents ang pink facemask ug ang Leni-Kiko T-shirts.

Gialam-alaman-pasabot kini nga napugos sila pagdawat sa maong butang kay maikog silang mobalibad sa pari. Pastilan, mitodo hinuog tiyabaw ang bata nga namulong: “BBM, BBM, BBM…”

Sa Facebook, may gi-post sab. Batang lalaki, kinsa sige'g isa sa V-sign niyang mga kamot nunot ang pag-ingon: “BBM, BBM, BBM!” Unya dihang gitudloan sa inahan pagsulti og: “Leni, Leni, Leni!”, mipahiyom ang bata nga mibawos: “Bongbong, Bongbong!”

Sa dakong mall, matod pa sa usa ka inahan, giduol ang iyang mo-dos anyos pang anak og laing bata nga nakigdula. Ang maong bata miyamyam: “BBM!” Misunod-tubag sab iyang anak: “Bongg-bom!”

Haskang lingawa nakong nakadungog sa maong istorya. Tiaw bay, hasta mga bata, BBM ang gilitok sa ilang baba? Makatandog!