^

Banat Opinyon

Walay bili ang privacy

BALITAHOM - Atty. Jose Marie N. Poblete - Banat

Gi-veto ni Presidente Duterte ang balaodnon nga nagmando unta sa pagrehistro sa tanan’g SIM cards ug mga social media accounts. Alang sa presidente, nagkinahanglan pa’g dugang pagtuon ug tukma’ng mga lagda ang maong balaod. Dili mahimo’ng magpatuyang ang kagamhanan sa pagpanghilabot sa privacy sa katawhan.  Gahum ang pagbaton og privacy.  Dili ka magun-ob sa mga isyu batok kanimo kon wala kini masayri sa uban.  Apan tukma usab ang panahom nga, “Sa panahon karon, nagkamenos na ang privacy, dili tungod sa balaod kon dili gumikan sa mga kabatan-onan nga daw dili na maantigo mohatag og bili sa ilang privacy”.  Saoonz!

Aslom ang ubas

Mipadayag og kasagmuyô si Senador Sotto sa pag-veto sa presidente sa giproponer nga SIM Card Registration Law, dugang ang “pag-komedya” nga magpadayon pa ang mga pagpamomba, pagpang-blackmail ingon man ang pagpangilad ginamit ang mga prepaid SIM.  Mora’g wala man sa tuno ang tweet ni Senador Sotto.  DIli garantiya nga masantâ sa hingpit sa maong balaod ang mga krimen nga iyang gihisgutan.  Labaw pa, aduna na’y balaod nga nagsilot sa maong mga krimen.  Tukmâ ang panultihon nga, “Kinsa kadtong dili makakab-ot sa ubas, moingon dayon nga kini aslom”.  Madahaaan!

May ginabatyag!

Gipanghimakak ni Commissioner George Garcia nga adunay panagbingkil sa sulod sa COMELEC tali sa mga commissioner. Dugang pa ni Commissioner Garcia, ang malampuson pagpahigayon sa sinemana’ng panagtigum sa mga commissioner maoy magmatuod sa iyang pamahayag. Maingon nato nga sakto ang pangangkon nga wala na sa sulod sa COMELEC ang panagbingkil, kay lage, ila na man kining gipadayag ug gidala sa gawas pinaagi sa pagpahibalo sa tanan’g media outlets.  Mao na’y giingon sa akong higala’ng Ilonggo, “Daw sa wa’ay lang, pero may ginabatyag gid blá”.  Fezteleern!

Pagsukwahi sa kaugalingon

Gisaway ni Senador Lacson ang mga kritiko nga mi-akusar kaniya nga misupak sa kaugalingon niya’ng baruganan mahitungod sa gitawag nga “calamity politics.”  Matud pa ni Lacson, ang tanan’g pasidungog sa pagpadangat og hinabang sa mga biktima sa bagyo maadto sa iyang mga volunteers ug dili ngadto kaniya. Dula ra kini sa pulong.  Dayag nga maka-ani gihapon og mga pagdayeg ang senador nga mahimong mosangpot sa pagbotar kaniya.  Ginaingon man hinoon nga, “Ang pagsukwahi (contradiction) sa pamahayag dili senyales sa pagpamakak, ingon nga ang kakulang niini, dili usab senyales nga ang pamahayag matuod”. Paleho la!

Adto palit sa “DOE”

Gi-anunsiyo sa Department of Energy (DOE) nga adunay ipatuman nga price freeze sa LPG sulod sa 15 ka adlaw sa mga lugar nga naigo sa bagyong Agaton nga gideklarar ubos sa state of calamity. Maanindot paminawon ang maong anunsyo apan sayod kita nga sagad dili kini tumanon sa mga negosyante ug labaw pa’ng walay istrikto’ng pagpatuman niini sa kagamhanan.  Kon suknaon nato ang tigbaligya og LPG ngano nga misaka ang ilang presyo, nga gidili man kini sa DOE, basin tubagon lang kita sa tindero nga, “Adto palit sa DOE”. Pagkatoytoy!

RODRIGO DUTERTE

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with