^

Banat Opinyon

Balanse lang ta

AMBOT LANG - Gerry Auxilio - Banat

Sigon sa talaan sa Philippine Statistics Authority (PSA), mikabat ngadto sa 957,620 ang gidaghanon sa mga business enterprises ang nag operate lukop nasud sa Pilipinas. Sa 957,620 ka mga business enterprises, 952,969 niini or 99.96% niini mga MSME’S ug 4,651 o 0.49% ang mga dagkong negosyo. Sa kinatobok-an, ang MSME’S nakamugna og 5,380,815 o 62.66% ka mga trabaho lukop nasud. Apan ang Covid-19 nakapugos sa MSME’S sa pagpanirado sa ilang mga negosyo.

Ang negosyo nga gikonsiderar nga micro aduna kini capital nga dili molapas sa P3 milyones. Ang negosyo nga gikonsiderar nga small business mao kadtong adunay capital nga P3.1 milyones ngadto sa P15 milyones. Samtang ang negosyo nga gikonsiderar nga medium business mao kadtong adunay capital nga P15.1 milyones ngadto sa P100 milyones.

Ang PSA mitug-an nga niadtong buwan sa Pebrero ang unemployment rate sa nasud anaa sa 6.4% o 3.13 milyon ang walay trabaho.

Ang mga anak sa singot o mamomuo nangayo og P750 nga umento sa suholan tungod sa misulbong nga prisyo sa produktong petrolyo nga nakamugna usab sa pagsaka sa prisyo sa mga nag unang palaliton.

Si Secretary Silvestre Bello III sa Department of Labor and Employment miangkon nga dili igo ang P750 nga minimum nga suholan busa gipadali niini ang Tripartite Wages and Productivity Board sa kaulohan sa pag-atiman dayon sa mga petition for wage increase.

Klaro ug tataw nga dili mahatag sa Tripartite Wages and Productivity Board ang gipangayo nga umento sa mga mamumuo kay seguro ko nga mosupak niini ang mga negosyante ilabi na ang mga MSME’S. Hinuon dili pod poyde nga dili hatagan og umento ang mga anak sa singot.

Dinhi mahinungdanon kaayo ang papel sa mga representante sa gobiyerno sa Regional Tripartite Wages and Productivity Board (RTWPB)sa pagpatunga sa nagbangi nga interest sa mga anak sa singot ug mga magpapatigayon.

Kinahanglan nga mabalansi ang hukom sa RTWPB, hukom nga dili lamang makahatag og dignidad sa mga mamumuo kun dili makamugna usab og dugang trabaho.

PHILIPPINE STATISTICS AUTHORITY

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with