^

Banat Opinyon

Ang presidential endorsement

IYO ANTOY - Antolin dela Serna - Banat

Hangtud karon, bisan kon hapit na manaug si Presidente Digong Duterte gikan sa Malacañang, nagpabilin ang iyang popularity ug pagka-influential, ug wala madutli sa giingon nga lame duck president.

Busa, kon unsa man ang iyang mga pamahayag  nga may kalabotan sa mga isyo sa eleksiyon, maka-influence kaayo kini sa mga panghunahuna sa katawhan, ilabi na kon mo-endorse siya’g usa ka presidential candidate.

Alang nako, ang presidential endorsement unfair kaayo alang sa ubang mga kandidato nga tingali’g mas maayo pa sila kay sa  gi-endorse sa presidente, ug unfair usab alang sa mga botante tungod kay ang ilang pagpili gibasi dili sa kaugalingon nilang kabubot-on, kondili kabutbot-on sa laing tawo.

Busa,sa bag-ong pamahayag ni Presidente Digong Duterte, nalipay kita nga magpabilin siyang  neutral as far as the issue on endorsement is concerned.

Ania kining napatik sa Philippine Star: “President Rodrigo Duterte has justified his decision not to endorse a presidential aspirant, saying he wants to avoid suspicions that he is using state resources to promote a candidate.”

So, klaro (hinaut nga dili kini mausab), nga dili siya mo-endorse og kandiato pagka-presidente, kay tingali unya kono’g kaakusahan siya paggamit sa mga resources sa gobyerno pag-promote sa usa ka kandidato.

“Talking about the elections, I do not have a candidate, I do not engage in politicking. I’m just announcing. I do not have a candidate for president. I remain neutral,” nagkanayon si Digong.

So, wala siyay kandidato pagka-presidente. Kining maong pamahayag, alang kini niadtong mga presidential hopefuls nga naghandom ug nanghinaut nga i-endorse sila sa presidente.

Kon naghandom pa kamo sa presidential endorsement, forget it. Paningkamot na lang mo sa inyong kauglingong kusog.  Kay sa inyong pag-file sa certificate of candidacy, daku ang inyong pagtuo nga seguro kamong makadaug sa kaugalingon ninyong paningkamot.

Dugang ni Digong: “I am the president and if I side with anyone, others would suspect that I am using the resources of the government. It would be messy. If you are a president and you have the resources at your beck and call, whatever you do, people would suspect that you are using them for a candidate.” Bitaw.

Hinuon, matud dinhi, iyang gisubli ang iyang pag-support sa iyang anak, si Sara, kandidato pagka-bise presidente. “We do not have a candidate, except of course my daughter, so I have to mention her because she is my daughter. Whatever my dynamics are with their party, she is my daughter. So, just one (candidate) and also the senators that I hope to install there but I am not mentioning any names. I’m just trying to avoid politicking because we might get in trouble with the Comelec (Commission on Elections),” dugang ni Duterte.

Giingon dinhi nga sa niagi pang Pebrero, namahayag si Duterte nga dili siya mo-support og kandidto pagka-presidente, “ unless there is a ‘compelling reason’ for him to change his mind.” Unsa kaha ning compelling reason no?

Many things can happen between now and May 9, this year. Mahimo nga kining ‘compelling reason’ mokalit pagbutho nga makapausab sa hunahuna sa president.

Abangan!

RODRIGO DUTERTE

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with