Pamilyado ang hinigugma

Dear Atty. Divine,

Duna koy hinigugma karon apan pamilyado siya. Dugay na silang nagbuwag sa iyang asawa apan aduna silay duha ka anak. Iyang gisuportahan ang mga bata matag buwan. Tungod kay minyo siya, wa nako siya gipaila-ila sa akong pamilya kay kun masayud ang akong mga ginikanan nga minyo siya, segurado gyud silang mosupak sila niini. Ang akong pangutana, kun mahibaw-an sa iyang asawa nga aduna mi relasyon, mamahimo ba kami niyang ikiha bisan kun nagbuwag na sila sud sa lima ka tuig? Daghang salamat. —Lina

Dear Lina,

Bisan kun dugay nang nagbuwag ang imong boyfriend ug ang iyang asawa, as long as wa ma annul sa korte ang ilang marriage, pabilin silang minyo sa usa’g-usa basi sa atong balaod. Busa kun adunay usa kanila nga makigrelasyon sa lain sama sa imong boyfriend mamahimo siyang ikiha og adultery sa iyang asawa lakip na ikaw tungod sa inyong relasyon. Mas maayo nga samtang sayo pa you have to decide kay kun gusto ka nga magtukod og imong pamilya, mas maayo nga makigrelasyon ka sa tawo nga walay kabilinggan ug pwede ka nga  pakaslan. Mas maayo nga imong klaruhon sa imong hinigugma kun unsay iyang mga plano ilabi na kay naa siyay mga anak. Thank you and God bless. —Atty. Divine

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.