Tabang alang sa mga PUV drivers

Lipay kaayo ang akong gikahinabi nga mga driver, nagpasalamat sila ni Mayor Mike Rama niining gitawag nga ‘Gasolina Mo, Sagot Ko’ program sa dakbayan sa Sugbo. Ang magpa-rehistro nga driver isyohan og discount card diin maka-avail siya’g P2 per liter nga diskwento gikan sa mga participating gasoline stations.

Maayo na kaayo ni. Apan, dili ka makapatuyang og patubil, aron daghan ang makapahimulos niini, tag 20 litros lang matag-tubil, matag adlaw.

Matud ni Atty. Gerry Carillo, chairperson of the disaster council, “the program aims to provide reprieve for the drivers who are suffering from the current economic situation. The drivers can register for the program individually online: (https://forms.gle/H359ZqNzG1oVDimq7) or as a group through their transport organizations or operators.”

Agad sa sitwasyon sa global market, ang discount nga P2 per liter, adunay purohan nga mosaka pa’g P4 per liter (maayo unta). Pagkakaron, sa atong pagsulat niini, ang Phoenix Gas Station mao pay nagtanyag niining maong discount privileges, apan ang ubang gas stations mipdayag og interest  pagsalmot niining ‘Gasolina Mo, Sagot Ko’ program sa dakbayan.

Ania ang talaan sa mga participating Phoenix  Gas Station: Cebu City - V. Rama; Mambaling 1 same side Petron and Shell near SM Seaside; Mambaling 2 infront of Mambaling 1; Banilad near Cebu Country Clu;  Bacayan, Talamban; MJ Cuenco; B. Rodriguez; Labangon Katipunan.

Lapu-Lapu City – Soong; Subabasbas; Pusok; Gun-ob; Buaya; Canjulao; Pajac. Cordova –Gabi. Mandaue

Subangdaku; Wireless; MC Briones Maguikay; Plaridel; Canduman; Cansaga; Tayud. Talisay – Lagtang.

* * *

Maghisgot kita makadiyot niining primary elections sa America, kay alang nako, maayong i-adapt kini dinhi sa ato. Unsa man ni? “Primary elections, often abbreviated to primaries, are a process by which voters can indicate their preference for their party's candidate, or a candidate in general, in an upcoming general election, local election, by-election.”

Usa kini ka paagi diin ang mga botante kahatagan og higayon pagpili kinsa ang mahimong kandidato sa ilang partido o kandidato, o sa general election.

Ang mga botante nga mosalmot sa primary mahimong langkoban sa general public, gitawag kini og ‘open primary’ o sa mga sakop sa partido, gitawag   og  ‘open primary.’

Dinhi sa ato, in some instances mag-convention ang usa ka political party aron pagpili sa mahimong official candidate sa partido. Apan, in most instances, mao ra og lutong makaw na ang process tungod kay mahibaw-an nang daan kinsa ang mogulang mananaug.

Ambut kon kining atong mga kandidato karon, ilabina sa pagka-presidente, gipaagi ba og ‘primary elections’ o sa convention. Lagmit, kasagaran nila, ang mga kandidato ray nagbuot nga sila ang mag-kandidato. Kini untang pagpili og kandidato, aduna untay participation sa process ang botante.

Sa ato nang nahisgutan dinhi, ubos sa two-party system, objective ug sayon kaayo ang pagpili kinsay himuon nga official  candidate. Kay kon daghan ang partido, daghan usab ang mag-inilogay kinsay mahimong official candidate sa partido.

Ug lisud kab-uton ang panaghiusa . Karon nga wala mahiusa ang oposisyon (kunohay), seguro na ang ilang kapildihon, kaylagi, magkatibulaag man ang ilang mga votes. 

So, balik ta sa two-party system, ug dili na itugot ang turncoatism o kining pagbali-bali og partido.