^

Banat Opinyon

EDITORYAL - Doktor Para sa Bayan

Ian B. Melecio - Banat
EDITORYAL - Doktor Para sa Bayan

Nagbaha sa kadaghan ang mga abogado dinhi sa Pilipinas samtang daghang mga kabus nga mga Pilipino ilabi na sa mga hilit nga dapit ang wala pa gyud kakita og doktor tibuok nilang kinabuhi.

Mao kini ang subo kaayo nga kamatuoran dinhi sa Pilipinas karon, daghan kaayo ang mga propesyonal apan nihit kaayo ang mga doktor. Kun duna man ugaling doktor, mahal sab kaayo tungod kay gamay ra sila og daghan ang kinahanglan nilang serbisyohan.

Makita kining dakung kakuwangon sa public health service sa gobiyerno sama sa mga barangay health centers, mga government clinics, bisan sa mga public hospitals duna gyu'y kakuwangon sa mga doktor.

Apan masolusyonan na kini sa umaabot nga panahon pinaagi aning Doktor Para sa Bayan Law nga gipangamahan ni Senate President Vicente “Tito” Sotto III kinsa nikandidato karon sa pagka-bise presidente sa nasud.

Ang maong balaod gihulagway ni Sotto nga maoy kinanindotan nga balaod nga iyang napanday sud sa 24 ka tuig niyang pagka magbabalaod.

Dili lang mga kabus nga pamilyang dunay mga anak nga interesadong mahimong doktor ang mabulahan niini, kondili ang kinabag-an tungod kay modaghan na unya ang mga doktor sa gobiyerno nga makahatag og libreng serbisyo.

Ang Republic Act (RA) 11509 moestablisar og Medical Scholarship and Return Service (MSRS) program alang sa mga angayan  ug takus nga tinun-an diha sa mga unibersidad ug colleges (SUCs) nga makig-partner sa gobiyerno.

Ang gobiyerno maoy mogasto sa tanang gikinahanglan sa estudyanteng gustong magtuon sa medisina.

Human makagradwar, gikinahanglan silang moserbisyo sa gobiyerno isip mga doktor sama sa gidugayon sa ilang pagtungha pagka-doktor, agi og bayad nila sa nagasto sa gobiyerno.

Ang nakaayo niini, kun diin gikan nga rehiyon o probinsya ang maong iskolar adto sab sila moserbisyo ini og katapos nila pagtungha.

Aning pamaagiha, masiguro nga dili mahutdan og mga doktor ang mga hilit nga bahin sa nasud tungod kay kada tuig aduna may iskolar nga doktor nga makahuman ug mandato nilang moserbisyo bugti sa paggasto sa gobiyerno sa ilang pagtuon.

Maayo kini nga balaod, kay duha maoy makabenepisyo niini. Ang pamilya sa iskolar ug ang publiko nga ilang serbisyohan.

DOCTOR

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with