^

Banat Opinyon

Pag-abuso sa Konstitusyon

BALITAHOM - Atty. Jose Marie N. Poblete - Banat

Alang kang Presidente Duterte, kinahanglan na nga amendahan ang Konstitusyon tungod kay giabusohan na kini sa mga corrupt nga mga politiko.  Nabatyagan usab sa Presidente nga ang party-list wala na mo-representar sa mga marginalized sector ug sagad niini gipangulohan ra sa mga asawa o anak sa congressman.  Sakto ang Presidente.  Wala gayod mapalambo ang kinabuhi sa mga marginalized sector.  Kay dili man mailad ang tawo sa tanan’g higayon sa duha lang ka partido, mao tingale nga nahimugso ug milipang pag-ayo ang mga party-list.  Tungod sa kahakog, nagmugna ang tawo og partido; ug tungod sa nahuptan’g gahum, maghimo pa gayud siya’g lain’g partido. Faeetz!

Mahimong “tourist spot”

Misaad si Senador Manny Pacquiao nga panghigusgan niya ang pagtukod sa gitawag niya nga “mega prison” alang sa mga kurakot nga opisyal sa gobyerno, aron ma-undang na ang pagpangawkaw sa panudlanan sa kagamhanan. Basin mahimo lang unya nga “white elephant ang maong “mega prison”.  Sa atong sistema sa hustisya karon nga sama sa balay sa lawa-lawa, diin ang mga gagmay lang ang mala-ang, kadudahan pa kon aduna ba’y gamhanan ug adunahan’g politiko nga mapriso.  Padulong ra nga mahimo’ng “tourist spot” ang maong prisohan kon ugaling madayon.  Madahaan!

Pulong sa gwatsinanggo

Gisubli ni Presidente Duterte ang iyang nangagi’ng pamahayag nga dili siya mo-endorso og kandidato pagka-presidente karong Eleksyon 2022 ug magpabilin lang siya’ng neutral aron dili siya madudahan nga migamit sa himan ug pundo sa gobyerno.  Talagsaon’g higayon kini’ng nga walay gituboy ang presidente isip iyang sumosunod.  Apan usahay, lahi ang sulti sa lihok. Makapahimuot paminawon ang pulong sa gwatsinanggo labi na kon nasayod ka na sa kamatuoran.  Mahimo ang pagpamakak pinaagi sa pulong ingon man sa buhat.  Layo-layo pa man ang eleksyon.  Atong atangan!

Mipasulabi ang pagduda

Alang kang Senador Lacson, dili angayan nga maapil sa election ban ang mga programa kabahin sa financial assistance gikan sa nasudnong kagamhanan sama sa fuel subsidy tungod lang sa panglantaw nga kini usa ka matang sa vote-buying. Adunay punto ang senador.  Ni’ng padayon’g pagsaka sa presyo sa gasolina, dili angay undangon ang pagpadangat sa mga financial assistance.  Mipasulabi na ang atong pagkamadudahon kay sa atong pagkama-alagaron.  Unta sa pagpatuman sa balaod sa eleksyon, balansehon usab ang katuyoan sa matinud-anong piniliay batok sa labing mahinungdanon’g panginahangalan sa katawhan. Fezteleern!

Dili matagbaw

Mipasidaan ang United Nations nga gumikan sa kapakyas sa mga saad sa mga kagamhanan ug mga korporasyon nga atimanon ang nagkainit nga klima, ang kalibutan mahimong modangat sa kahimtang nga dili na kini mapuy-an sa umaabot.  Kon padayon gihapon ang tawo sa iyang paglampurnas ug pagdagmal sa kalikupan, ang kalibutan nga atong namat-an ug gipuy-an, makasinati gayud og mga katalagman.  Tinuod ang panultihon nga, “Ang kalibutan naghatag og probisyon nga tukma unta sa panginahanglan sa tawo apan dili gayud paigo sa iyang kahakog”. Baya no!

RODRIGO DUTERTE

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with