^

Banat Opinyon

Mga massage therapist gipa-OJT sa kabastosan mismo sa ilang amo

IYO ANTOY - Antolin dela Serna - Banat

Sobsob karon ang operation sa National Bureau of Investigation-7 batok sa mga establismento nga naghimo og illegal nga binuhatan sama sa mga massage parlor nga gihimong front ang masahe apan adunay mas lawom nga serbisyo.

Upat ka mga tawo ang nadakpan sa entrapment operation sa NBI sa Tabunok, Talisay City ug sa Labangon dakbayan sa Sugbo diin lakip na ang 24 anyos nga tag-iya sa massage parlor ug ang igsuon niini nga lalaki apil duha ka kawani.

Lehitimo kay naa may business permit kuno ang negosyo apan ang dakong illegal ang ilang underground operation nga mao ang prostitution kay dili lang ang kaunoran ang masaheon kon dili lakip man ang kahiladman, ang nabantog nga lingam massage diin i-massage ang prostate gland. Dili lang gani prostate kon dili molabaw pa gyud kuno niini basta maka afford sa special price.

Nahinabi nako ang duha ka mga kawaning babaye diin mitug-an gyud sila sa tinuod nga panghitabo sa ilang spa apil na ang home service ngadto sa mga higal nga kliyente.

Mas makapakugang ang rebelasyon nila nga ang mga babayeng therapist gikinahanglan nga adunay On-The-Job (OJT) Training sa pagmasahe sa kinatawo mismo sa batan-ong tag-iya sa massage parlor, kong maganahan ang tag-iya dawaton ilabi na kong gwapa.

Matud sa receptionist nga ang uban mohimo nalang sa gusto sa tag-iya aron lang makatrabaho kay lisod man gyud kaayo kuno ang kinabuhi kay naapektohan sa pandemiya.

Gani ang mga babayeng trabahante supak kuno sa ilang kabubot-on apan nipiyong nalang sila sa kamatuoran kay nanginahanglan man usab sanglit ang usa kanila nag eskwela gani graduating man sa pagka maestra.

Dili lang mga babayeng therapist ang giabusohan apil usab ang mga lalaking masahista kay ipa-perform man sad kuno og below the belt kay kong mosupak dili hatagan og commission.

Gipasakaan na sila og kasong qualified trafficking nga walay girekomendar nga piyansa  ug nagtangag usab og multa nga dili moubos sa P2 milyones.

Ang mga nadakpan nga kawani gikonsiderar karon sa NBI nga himoong state witness batok sa tag-iya nga batan-on pa apan ngilngil na kaayo og negosyo.

Sukad mibalik og luag ang restriction murag balik hitak karon ang mga malaw-ay nga binuhatan nga nagpahimulos sa kahuyang sa mga tawo nga nagkinahanglan, kini ang gitawag nga exploitation.

Dugang paningkamot ang himoon sa mga law enforcement agency uban ang katawhan aron masumpo ang ingong niini nga pagpangabuso.

Kong magpakabuta bungol ang uban magpadayon gyud ang ingon niini nga problema sa katilingban.

NATIONAL BUREAU OF INVESTIGATION

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with