^

Banat Opinyon

Kandidato sa CPP-NPA-NDF makaalarma

JAV BANATI - Javier Yntig Tapulado - Banat

Niining bag-o, gipahibalo-dasig ang publiko ni Presidente Rodrigo Roa Duterte sa dili pagsuporta sa mga partylist nga: Kabataan, Anak Pawis, Bayan Muna, Alyansa of Concerned Teachers ug Gabriela, or (KABAG).

Kay kini kuno, pulos legal fronts sa Communist Party of the Philippines (CPP), New People’s Army (NPA) ug National Democratic Front (NDF), nga ang hiniusang tumong mao ang pagpatikyaob sa atong gobiyerno aron maoy mohari ang komunismo sa Pilipinas.

Niay kabahin sa iyang pamahayag: “But in particular, gusto kong sabihin sa inyo na tama si Lorraine Badoy. Na itong partylist na Kabataan, Anak Pawis, Bayan Muna, Aliyansa of Concerned Teachers or ACT at Gabriela, makita na man ninyo sa behavior nila, and the way they espoused their advocacy for a Party Left…eh, ah…Left…Left ang talagang grip nila.”

Unya, mipuno: “Ang problema, kinuha nila ang pera ng gobiyerno at binubuhay nila yong mga NP…They are supporting of bunch…wala na silang ideology.” Gumikan sa tumang kalagot, mohana na usab untag pamalikas si Tatay Digong. Pero napugngan. 

Timaan, nga kaaway gyod niya ang mga walhon, diin namatud-an ang grabeng pagkadautan tungod sa mga buhing testimoniya nga giladlad sa mga kanhi kadre sa NPA, kinsa misurender ug nakipag-alyansa na sa atong gobiyerno.

Matud pa ni Ka Eric Sales, ex- NPA cadre, sa usa ka interview: “Sapagkat ang manok ngayon ni Joma Sison, openly, ang manok nila at ang kanilang panindigan, kasama ang lima nilang operatibang party list ay si Leni Robredo.” 

Dili maayo kining gipabahang rebelasyon sa former cadre. Makaguba kini pagsamot sa imahe ni Leni ug sa nahisgotang mga Party List. Dapat kasohan sa kampo ni Leni kining kadreha kon ugaling wrong info man ang gipakatap?

Hinuon, wala mahadlok si Ka Eric ug kaubanan. May mga bug-at dokumento silang gihuptan nga mosuporta sa ilang giyawit. Gani, gusto man sila nga paimbestigahan na kini sa atong gobiyerno.

Ug gihagit pa si Leni ug ang KABAG, nga ipakondena ug ipanghimaraot ang CPP-NPA-NDF panahon sa ilang pagpangampanya. Ug gikondena ba?

Dili simpleng suliran kining giatubang sa atong nasud ning umaabot piniliay. Kaugmaon sa atong nasud ug katawhan ang nakasugal dinhi. Unta, mahatagag epektibong sulbad sa atong kagamhanan.

NPA

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with