^

Banat Opinyon

EDITORYAL - Sugod na og dinautay

Ian B. Melecio - Banat
EDITORYAL - Sugod na og dinautay

Opisyal ng miarangkada ang pagpangampanya sa mga lokal nga kandidato alang sa umaabot nga bugnong lugaynon karong Mayo 9, 2022.

Apan samtang nagkaduol, nagsugod na sab ang paglinabayay og lapuk sa mga kandidato samtang hinayhinay na sab nanggimaw kun kinsang mga kandidato ang duna gyuy kamahoan sa paagi nila pagtabi atubangan sa mga tawo.

Apan dunay uban nga ang pagpangdaut nila sa mga kaatbang dili kaayo makita sa mga personal nga social media accounts sa mga kandidato, tingali hadlok sab silang masakaan og kasong cyber libel sa kaatbang.

Apan sa mga pulong-pulong diha nila kini gipangwadwad, hinuon dili direktang gipangalanan ang mga kaatbang apan masabtan sa mga detalyeng ilang gipangestorya kun kinsa ilang gipasabot.

Ang uban dili kapugong sa kaugalingon aron dauton ang ilang mga kaatbang, tingali nagtoo silang pinaagi niini makuha-kuhaan ang botos sa ilang karibal.

Tingali dili nila mapagawas ang ilang gustong isulti sa mga nanan-aw kung dili nila lakbitan og atake ang ilang mga kaatbang. Pampagana tingali nila sa ilang kaugalingon aron mogawas ang ilang tinud-anay nga gibati batok sa ilang mga karibal.

Apan husto ba kini? Nga kinahanglang manaut sa og isi’g kaingon aron mogawas ang ilang pagkamaayong laki mangistorya? Maayo diay ni nga gawi para sa usa ka lider?

Makita gyud ang kalainan sa mga beteranong mga kandidato ug mga bagito o bag-o pang nisulod sa politika. Ang mga hinog na sa politika maayo kaayong mobolatik ug mongisi bisan og sayod silang daghan sila og isyu o kontrobersiya.

Samtang ang mga batan-on, seryoso kaayo ug dili gani halos makamaong modala sa ilang pahiyom ug dunay uban magkurog pa ang tingog.

Sa pagkakaron, nindot paminawon ang mga pulong sa mga batan-ong mga kandidato sa lokal nga eleksyon kay bisag sa ilang edad, daghan sila og mga bag-ong ideya ug mga nahibaw-ang nihit na kaayong madungog gikan sa mga tiguwang nga mga politiko.

Apan ang pangutana kun ang mao bang boto mapunta sa nangdaut? Dili ba mas maayong magpanindotay na lang og plataporma?

Kadtong platapormang dili imposibleng kab-uton sa pagkakaron maoy daling mahalin sa mga botante. Una mao kining kabahin sa trabaho, baha, traffic, pagkolekta sa basura, peace and order, ug bisan livelihood programs para sa mga tawo.

2022 ELECTION

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with