Mga laraw ug baruganan sa mga buot mag-presidente

Atong igahin ang atong mga lindog (Martes, Biyernes, ug Sabado) sa mga plano, plataporma, ug mga baruganan sa nagbuntaog nga mga isyo, ngadto sa giingon nga top presidential bets, o mga nag-unang mga kandidato nga gustong mag-presidente.

Ato na kining gisugdan sa niaging Martes, diin atong gi-feature si kanhi Senador Bongbong Marcos, basi sa usa ka article nga gisuwat niadto pang tuig 2011, giulohan ‘The real  Bongbong  Marcos.’ Sa KBP 2022 Presidential Candidates Forum, gisibya ug nadungog sa tibuok kapupod-an (kana kon naminaw ka), nitunga sila si Leni Robredo, Isko Moreno, Panfilo Lacson, Manny Pacquiao, ug Leody de Guzman. Wala si BBM kay dunay nag-una o prior commitment, and perhaps, nagsalig nga kanunay siyang nag-una sa mga survey.

Laraw ni Robredo: Pagpabalik sa pagsalig sa katawhan ngadto sa pangagamhanan, ug pag-generate og dugang trabaho, pagpalig-on sa mga industriya nga gipanag-iya sa mga Pilipino, pagpanalipod sa mga gagmay ug medium nga mga patigayon, pagtubag sa isyo sa diskriminasyon sulod sa mga balay-trabahoanan ug sa panarbaho sa gobiyerno, ug pagmugna og insurance program alang sa mga nawad-an og trabaho.

Dugang niini, “The vice president will also address malnutrition of children in her first 1,000 days, assert the country’s rights over the West Philippines Sea, provide the needs of the communities facing threats and problems of insurgency, fight against illegal drugs, increase health health budget, give training and additional salaries to the teachers, relocate those living in the danger zone and make communities resilient against disasters. “Dili na lang ni nato Binisay-on kay medyo lisud na hinuong sabton kay sa Eningles. Duna pay purohan nga masayop ko’g hubad.

Ug matud pa, “Robredo also floated the possibility of banning turncoatism among political parties, to establish clear ideologies among seeking public office.” Di tingali mosugot ang ubang mga politiko niini, kay mao nay atong naandan nga kon unsay partido bag-ong Presidente, mag-inilogay ug mobalitok ang tanan ngadto sa partido sa Presidente. Dinhi natawo ang pulong balimbing, sa ato pa, daghan ang nawong.

Apan, ila kining i-justify nga sa ilang pagbalimbing ug pagsalikway sa partido nga maoy nakapadaug kanila, alang sa kaayohan sa ilang mga konstituwente, tungod kay dili sila mahikawan sa mga benepisyo gikan sa bag-ong administrasyon, kon sila kabang ang partido.

Kahinumdom ko nga sa dihang gibiyaan si Don Sergio sa iyang ka-partido pinaagi sa ilang pag-ingon nga ‘my loyalty to my party ends when my loyalty to my country begins,’ nakapangutana si Don    Sergio kon ang Nacionalista party nga ilang gibiyaan dili ba usab loyal ngadto sa country?

Bitaw, kinahanglan bang mobalitok ka’g partido to exercise loyalty to the country?

Dili ni pagdapig ni Robredo (kay layo’ ra ba kaayo siya’g biya sa rating, kundili, igo lang akong mipadayag sa akong pag-uyon kaniya in this particular issue sa turncoatism, sama sa akong pag-uyon usab sa mga plano ug baruganan sa ubang mga top presidential contenders. Sa America, nakamatikod ba kamo nga sa pagdaug ni Joe Biden, usa ka Democrat, wala man mobalitok ang mga Republicans. 

Ugma, atong tan-awon ang mga laraw ug advocacies ni Senador Ping Lacson.