^

Banat Opinyon

Ang kababayen-an

AMBOT LANG - Gerry Auxilio - Banat

Mahuman karon adlawa ang buwan sa kababayen-an. Apan para kanako ang pagtamod ug pagyukbo sa katungod sa kababayenan dili lamang kini sa kada buwan sa Marso kun dili sa tanang adlaw ug higayon.

Agi og kabahin sa pag-ila sa katungod ug dignidad sa kababayenan ang Police Advisory Group sa Cebu City Police Office pinangulohan sa abtik nga chairperson niini nga si Madam Marlinda Angbetic Tan kauban sa mga Advisory Group sa 11 ka mga police station sa dakbayan sa Sugbo mihimo og mga kalihokan nga nagpaligon sa katungod ug dignidad sa atong kababayenan sama sa gift-giving sa mga babaye nga mga Persons Deprived of Liberty (PDL) ingon man seminar sa bago nga balaud mahitungod sa sexual consent nga gihimo mismo sa kanhi Director sa Ombudsman ug Womens Right advocate nga si Atty. Virginia Palanca Santiago kinsa usa usab ka aktibo nga sakop sa Cebu City Police Advisory Group. Ang seminar gitambongan usab sa mga womens desk gikan sa 11 ka mga Police Stations sa dakbayan sa Sugbo ug mga sakop sa Cebu City Police Advisory Group.

Dili na basta-basta ang kababayenan dinhi sa nasud sa Pilipinas. Kun wala ko masayop sila na ang pinakaprotekdato sa atong mga balaud. Hasta sa paghupot ug gahom sa atong lokal ug nasudnon nga kagamhanan daghan na usab kanila ang mga babaye. Ang hawanan sa Kongreso nga giharian kaniadto sa kalalakinan gisudlan na karon sa kababayen-an. Bisan ang kuwerpo sa kapolisan ug kasundalohan sa nasud gipasudlan na kini og kababayenan.

Kining tanan mga kamatuoran sa pag ila sa atong nasud ug balaud sa katungod sa kababayenan. Ubos sa atong Batakang Balaud ang kababayenan giila nga katambayayong sa pagpalambo ug pagpabarog nga ligon sa atong nasud.

Wala masayop ang nasud sa pag ila sa katungod sa kababayenan tungod kay atong nakita karon unsa sila ka ligon sa ilang mga baruganan ug tampo sa pagpalambo sa komunidad ug sa atong nasud.

SUGBO

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with