^

Banat Opinyon

Papel ni Fr. Ciano sa Capilenha project

JAV BANATI - Javier Yntig Tapulado - Banat

Pandemiya. Tibuok kalibotanong ekonomiya naapektohan. Kahimtang sa datong kanasoran nasamdan. Mga pobreng nasod sama sa Pilipinas mikamang. Daghang patigayon nasira. Daghang mamumuo nawad-ag trabaho. Napun-an ang minilyong lumolupyo, kinsa nagsalig lamang sa ayuda gikan sa nagkapuliki natong gobiyerno.

Kagutom, kapait ug kahingawa nasinati. Apan makapahibulong. Luyo sa kalisod pangitaon ang kuwarta, ang proyekto sa Archdiocesan de Cebu alang sa Capilenha de Fatima Replica, diin nagkinahanglang minilyong pundo para sa pagtukod og dakong Pilgrim Center didto sa San Remegio, Cebu, nahimong sayon gumikan sa You Tube channel nga nag-post kanunay sa kada adlaw’ng misa ni Fr. Crescenciano ‘Ciano’ Ubod.

Si Fr. Ciano, kura-paroko sa San Vicente Ferrer Church, Liloan, Cebu, nakabaton og minilyong viewers ug followers sa tibuok kalibotan gumikan sa pagkamaayo niyang mohubad sa unsay ipasabot sa mga sambingay nga nahisulat gikan sa basahon sa mga propeta ug diha mismo sa ebanghilyong iyang gitamdan panahon sa homiliya.

Pinasubay sa tinuod niyang kasinatian sa kinabuhi ug ang komon nga matang sa nagkalainlaing   kinaiya nga maoy gipuy-an sa atong sosyedad karon, ang halos kanunay niyang ilambigit diha sa iyang pagwali sa mga pulong sa Diyos. Dili boring momisa si Fr. Ciano. Makalingaw! Kusog mangomedya, pero may pagtulon-an kang makuha.

Mao kini iyang sekreto nganong daghang magtutuo ang nagsunod sa iyang mga misa labi na sa akto sa homiliya, diin sagad niyang isingit ang pagpamaligyag slot o pamarayeg og donasiyon alang sa Capilenha project. Ultimong, trisikad driver, binatonan ug mga masahistang buta, nagtigom og kuwarta para lang makadonar. Nga nakapatandog sa libo-libong mga dughan.

Sulod sa pipila lamang ka bulan, ang San Vicente Ferrer Church ubos sa pagpangamahan ni Fr. Ciano naka-remit og P30M or hapit modul-an, P40M donation, ngadto sa tagdumala sa Capilenha project gikan sa tanang donors sulod ug gawas sa atong nasod.

Si Fr. Ciano mao ang gitugyanan sa Archdiocese of Cebu niining kinatas-ang tahas nga daw lisod tumanon. Pero walay imposibleng butang nga dili mahimong posible kon ang gahom sa milagro ni Mama Mary sa Fatima mao nay mopatigbabaw.

Fr. Ciano, gikalipay kaayo sa simbahang Katoliko kining dakong kalamposan nga imong nahimo. Kanimo, kami misaludo! Thank you, Father!

COVID-19

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with