^

Banat Opinyon

Kinsay akong mayor

JAV BANATI - Javier Yntig Tapulado - Banat

Bukas na ang opisyal nga pagpangampanya alang sa mga kandidatong magpapiling lider sa lokal nga pangagamhanan. Sama sa naandan, gipaabot ang matam-is pahiyom ug mahigalaong pikpik-agbay gikan sa mga midagang kandidato, kinsa sama sa nanguyab, suwabeng modiskarte: isaad paghatag hasta ang mga imposibleng butang nga lisod makab-ot, aron mailad lamang ang mga botante.

Ning dakbayan sa Sugbo, tulo ka dagkong personalidad ang miaplay og trabaho natong tanang botanteng Sugboanon alang sa pagka-mayor ning umaabot eleksiyon: Kanhi City Councilor Margarita ‘Margot’ Lim Vargas Osmeña, incumbent City Mayor Michael ‘Mike’ Lopez Rama ug outgoing City Councilor David ‘Dave’ F. Tumulak. Kinsa kaha kanila ang maayong dawaton?

Aniay pipila ka tipaka nga gibilin sa ilang pagpangalagad: 1) Ma’am Margot. Napiling konsehal sa siyudad sa Sugbo gikan 2010 hangtod 2019. Naka-acting mayor balig 45 ka adlaw (May 17, 2016-June 30, 2016).

2) Mayor Mike. Nahimong mayor sugod June 30, 2010 hangtod Mayo 17, 2016. Ug na-mayor na pod (hulip sa namatay’ng City Mayor Edagardo Labella) gikan Nobiyemre 20, 2021 hangtod karon. Miagi siya pagka Bise Mayor (June 30, 2001-June 30, 2010 ug June 30, 2019-November 19, 2021). Ug nakalingkod isip konsehal (June 30, 1992-June 30, 2001).

3) Councilor Dave. Kanhi sakop sa media. Reporter sa ABS-CBN-Cebu. Anchor sa DYAB. Ug nahimong konsehal (June 30, 2013-June 30, 2022).

Silang tulo pulos nakapakita’g mga maayong buhat diha sa ilang pagpangalagad natong mga Sugboanon.

Sa kataas sa katuigan nilang pagsenerbisyo, masinati kinsa kanila ang mahigalaon, madinumtanon o diyosnon?

Walay mangangalagad nga perpekto. Kun kini adunay good deeds, anaa pod siyay weakness. Ug hain bay mas daghan niyang nahimo: ang paghatag og kapuy-an sa katawhan, o ang pagsakmit sa gipuy-an sa nanginhanglan? Ang pagtunol og kapanginabuhian sa mga kabos, o ang pagguba sa ilang kapanginabuhian?

Pipila lamang kini sa basehan diha sa pagpili og maalagarong aplikante sa pagka-mayor. Silang tulo, mismo, nasayod hain ang mas daghan nilang napundar sa katawhan: ang positibong kaayohan, o negatibong kapalpakan?

Akong kahiladman nangutana: “Kinsay botaran ko pagka-mayor?” Mitubag-padayag akong kasingkasing: “Silang tulo, pulos akong mga higala ug pareho kong nagustoan. Busa sa kanunay, akong hangpon, irespeto ug suportahan si bisan kinsa nila ang modaog sa piniliay.

2022 ELECTION

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with