^

Banat Opinyon

Kick off sa kampanya formality nalang

LABTIK - Alan P. Domingo - Banat

Karong adlawa na gyud moarangkada ang kampanya sa mga lokal nga kandidato diin halos dungan ang tanan sa mga seremonyas nga pagahimoon labi na na gyud ang pagpahigayon og misa sa dili pa mosugod ang kalihokan.

Apan kining kampanyaha formality nalang ni kay dugay naman kaayo nagsugod ang mga kandidato sa ilang pagpangulitawo sa boto sa mga tawo. Ang uban gani pagkahuman sa eleksyon diin sila ang nakadaug nagsugod na sa pagpangamang sa suporta sa mga tawo.

Gisakyan ang tanan gimmick apil na ang TikTok ug ubang pakulo gamit ang social media platform nga murag epektibo baya usab kay nidaghan man ang ilang mga followers.

Apan kadtong wala kaayo mosagop sa kabag-ohan ug nagsalig sa kinaraan aw layo na kaayo sila og biya ilabi na sa mg bag-ong tubo nga anaa ra ang mga nawong sa cellphone diin ang kalibutan nagtuyok nalang sa virtual world.

Balik naman ta sa normal kay sa dakbayan sa Sugbo lang alert level 1 naman busa gilauman nga magdasok na sad ang mga tawo niini, padaghanay sa mga supporters sama sa national nga eksina karon padaghanay ug pink ug pula kinsa ang mosidlak nga kolor.

Walay kalainan niini ang talan-awon sa local setting. Mosamot na ka gyud ka biya ug malimtan na ang kasamtangan nga sitwasyon sa COVID-19 kay gawas nga gipol-an na ang tawo sa kasikat sa COVID-19 kay gitabonan na sa kisaw karon sa eleksyon.

Dili na angayan nga pahinumduman ang mga tawo sa angayan ug dili angayan nga buhaton kay kitang tanan nasayod nang daan gani gipul-an naman sama sa minimum health protocols ug uban pa.

Bantay bitaw simbako mokalit pa pud og burot ang kaso sa COVID-19, mag inistrikto na pud ang guberno ang makalolooy ang mga yanong tawo intawon.

Bitaw atong paminawon ug sawmon ang mga panaad sa mga magpapili nga sulogoon sa katawhan kong dili ba ni replay sa nangagi ilabi na kadtong mga anaa nang daan sa katungdanan,

Karong panahona bright naman ang mga tawo kahibawo na kong giuntoy lang sa mga kandidato. Bitaw hatagan nato og higayon nga mapaminaw ang ilang mga rason nganong gusto man silang mamahimong sulogoon sa mga tawo pastilan.

2022 ELECTION

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with