^

Banat Opinyon

Lugway alang sa pipila

BALITAHOM - Atty. Jose Marie N. Poblete - Banat

Namahayag si Sec. Martin Andanar nga pangutan-on pa nila ang BIR ingon man ang economic cluster sa gabinete kabahin estate taxes sa pamilya’ng Marcos nga mokabat og P203 billion.  Alang kang Sec. Andanar, ang maong isyu daw namidpid usab sa politikanhong hisgotanan.  Ni’ng maong pamahayag, tataw nga ang baruganan sa Malacañang sa maong isyu nag-agad sa resulta sa eleksiyon.  Haum ang panultihon nga “Aduna tingale kagawasan ug hustisya alang sa tanan, apan pipila lang ang makatagamtam og lugway pagbayad sa ilang buhis”.  Fezteleern!

Nakasala gumikan sa buhis

Mipasidaan si Senador Lacson sa posibilidad nga dili na kolektahon sa kagamhanan ang P203 billion nga kantidad sa estate taxes sa pamilya’ng Marcos kon ugaling modaug si Bongbong Marcos pagka-presidente. Gihimug-atan sa senador nga seryosohon unta sa BIR ang kaakohan niini pagtingil sa maong buhis inay magsige’g imponer og bag-ong matang sa buhis sa katawhan.  Sa hisgutanan sa buhis, husto ang pagya nga, “Sa dili pa mohatag ang gobyerno, kuhaon una niya kini.”  Tinuod usab panahom nga “Mas nakahimo’g daghan kriminal ang pagpangolekta sa buhis kay sa uban pa’ng buhat sa gobyerno.”  Madahaan!

Parehas sa sweldo

Daghan ang mga kompaniya nga misupak sa petisyon pagpa-usbaw sa suholan sa mga trabahante dinhi sa Central Visayas.  Matud pa sa mga negosyante, apektado usab sila sa COVID-19 pandemic, sa Bagyo’ng Odette ug sa pagsaka sa presyo sa gasolina, busa ang pagpasaka sa suholan mahimong makapalunod hinoon sa kahimtang sa tanan.  Sa kanihit sa trabaho karon, daghan ang motrabaho bisan sa ubos ang sweldo.  Sakit baya palandongon nga kon mosulod ka sa tindahan sa sapatos, makita nimo ang imong sweldo ubos pa sa natatak sa presyo sa maong sapatos.  May’pag moligeed!

Margin of error?

Matu pa ni COMELEC Spokesperson James Jimenez, ang 106,000 ka balota nga gikonsiderar nga depektoso nagrepresentar lamang sa gamay nga porsyento sa tibuok nga gidaghanon sa balota ug nasulod pa kini sa giingon nga “margin of error.”  Mahimo kini’ng sabton sa uban nga adunay buhaton’g anomaliya ang COMELEC.  Ang pagpanalipod niini sa COMELEC, nagpadayag usab sa ka-insensitibo ug kakulang sa sinseridad sa maong ahensya.  Makapahinumdum kining kahimtanga sa akong amigo nga nagsige’g palit og Tanduay kay lage ang iya kuno’ng negosyo “buy and sell” man og mga botelya. Pagkatoytoy!

Wala’y paryente sa sugal

Mapasakaan og kaso nga kalapasan sa Republic Act 9208 ang inahan nga si Danica human niya ibaligya ang iyang siyam ka bulan nga anak sa kantidad nga 45 mil ka pesos kay nalubong na siya sa utang tungod sa iyang pagkagumon sa online sabong. Bisan sa dautan’g epekto niini, daghan gihapon ang mosugal nga gidasig ug gipasiugdahan pa gani sa kagamhanan.  Angay unta nga ipalit og pagkaon ang pangsugal nga kwarta, dili kay isugal ang kwarta nga ipalit unta’g pagkaon.  Maut-ot gayod ang pagkatawo sa sugarol kay ginaingon man nga, “Sa sugalan, wala na’y ginikanan ug anak”.  Faeetz!

MARTIN ANDANAR

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with